Хайрт ижий минь ЭЗЭНий өвөрт очихоосоо өмнө бүх өвдөлттэйгөө тэмцэн "Чингэст хэлээрэй миний авралын төлөө залбираарай" гэж хэлүүлсэн байдаг. Энэ хүсэлт маш их утга учиртайг бодоод л сууна. Хүнд хэд наслах, #юутай байх, байхгүйгээс, #хэн байх, үгүйгээс үл хамааран үхлийг гэтлэх #аврал хичнээн чухлын чухал болохыг анхааруулах юун. Ижий минь ЭЗЭНтэй уулзах чин хүсэлтэй байсан учраас хэлснийг эргэцүүлэм. ЭЗЭН түүний хүсэлтийг аль хэдийнээ амьдралаас нь сонссон.
Тэртээх 13 жилийн өмнө сайнммэдээ сонсоод 2 долоо хоногийн турш амьдралаа тунгааж эргэцүүлэн 68 нас хүртлээ өөрийн уламжилж ирсэн шүтээн, маань мэгзэм, мэргэ төлгөөсөө татгалзаж амьдралдаа анх удаагаа үр хүүхдүүдээсээ ч асуулгүйгээр ЭЗЭН ЕСҮСТ бүх амьдралаараа дагах шийдвэр гаргаж, тэрээр ханын материалаас (15 км) ганцаараа бүтэнсайн өдөр бүр мөргөлдөө ирдэг байсан. Мөргөлдөө ирэх маш дуртай. Хүн болгонтой нийтэч, бүгдийг л өөрийн хүүхэд адил харж, хандаж, нөхөрлөж, хол ойр гэлгүй илгээлт семинарыг тасалдагүй байсан. /хөлний хагалгаанд орох хүртлээ/
Нас дээр ЭЗЭНд ирсэн ч библи, итгэлийн номуудад шамдангүй ханддаг байсан. Өөрийнхөө хэмжээнд хэрэгжүүлдэг байв.
Түүний ихээр ярьдаг зүйл залбирал, ЭЗЭНдээ залбирна даатгана аа, хамтдаа залбиръя гэдэг үг. Мөн мөргөлийн цагт номлолыг маш анхааралтайгаар сонсдог нь нүдэнд тодхон.🥺
Тэрээр гэрээслэлдээ "... намайг оршуулах үед дэргэд минь хонх дамар бүү дуугаргаарай, Христийн ёсоор оршуулаарай, миний хүүхдүүд надтай уулзахыг хүсэж байгаа бол цуглаанд яваарай ..." энэ хэсэг нь энэ дэлхий дээр бид хичнээн сайхан аз жаргалтай байж болох ч тэнгэр улсад очихгүй бол жинхэнэ аз жаргал биш, хичнээн сайн ээж, ах, аав, дүү, ах эгээ байсан ч Есүсийг мэдүүлээгүй бол төсөөлшгүй уй гашуу тэдэнд үлдээж байгааг урьдчилан сэргийлж анхааруулах мэт..
Бид ЭЗЭН минь ЭЗЭН минь ... итгэдэг итгэдэг гээд эцсийн өдөр ЭЗЭНдээ олдоогүй байх вий нөгөө талаар бид итгэдэг ч гэсэн гэр бүл анд найз, амраг, төрөл садангаа алдсан байх вий..
"Үхэл бол зугташгүй үнэн байх ч үүнээс илүү мөхөл бол гарах хаалгагүй орох л хаалгатай там бий. "
Негізгі бет Ойын-сауық Бурханы хайрт охин Өнөргочоогийн итгэлийн түүх
Пікірлер: 6