IDOIA GARZES Aldazabalek (Lasarte-Oria, 1973) Kazetaritza ikasi zuen EHUn eta, tarteka, erredaktore gisa lan egin izan du Euskal Telebistako hainbat saiotan. Bere jaioterriko Santana Parodia antzerki amateurrean aritu izan da, bai gidoilari, bai antzezle.
Gazte literatura: Telefono Dei Galdu bat (Elkar) eta beste batzuk
Nobela: Mendiko Gaitza (Elkar)
Buruaz norbere egin antzezlana bi emakumeren arteko elkarrizketa da, hartzekotan diren erabaki garrantzitsua nola mamitzen den azaltzen duen solasa. Bakoitzak norbera izan nahi horretan, hitz-jokoa egiten da “norbere buruaz beste” egitearen ideiarekin, norberaren bizitzaren lema hartzeari dagokionez.
FITXA
Testua: Idoia Garzes Aldazabal.
Zuzendaritza: Mikel Martinez.
Antzezleak: Leire Orbe, Ruth Guimerà.
Hizkuntza: Euskaraz.
Iraupena: 20 mn
Imanol Alvarez-en KRITIKA
Leire Orbe eta Ruth Guimera ederto batean betetzen dute zehaztu gabeko industria batean aritzen diren behargin batzuen rola, Mikel Martinezen zuzendaritza trebearenpean.
Altuera handian lan egiten dute, eta han goian daudela heltzen zaie atsedenaldia, bokatarako etena alegia. Eta bokata jaten duten bitartean jada eurekin ez dagoen lankide bati buruz egiten dute berba: ze ausarta izan den, ze lasai egon behar duen orain, eta abar komentatuz.
Idoia Garzes Aldazabalen testua ondo idatzita dago eta, hasieran konturatzen ez bagara ere, anbiguotasunez josia ere bada. Hori dela-eta, amaiera arte ez gara erabat jabetuko izenburuaren nondik norakoaz.
SARIAK
‘Café Bar Bilbao-Tartean Teatroa’
2014ko XII. Antzerki Laburreko SARIA
Bilboko Pabellon 6an estreinatua
2024 antzerki laburren festibalean
Kriseilu Saria Antzezlanik Onena
Негізгі бет Buruaz norbere egin
Пікірлер