يامرحبا سلم القبيله بالحضور
ترحيبةٍ ترقى على متن السحاب
يامرحبا والعود في المدخن يدور
يامرحبا حيالله عزاز الجناب
يامرحبا بضيوف وافين الشبور
ربعي هل الطالات صبيان الحباب
في حفلهم وقفت مانيب معذور
عقب صبين لابداء الماجوب غاب
دعوتك يابوذيب زادتني سرور
لانك كفو والكل يحسب لك حساب
يا المحزم اللي فالشدايد مايبور
لاكلحت قشر الليالي كل ناب
ابوك لا كبرت على اللابه لمور
شايب ويعجز بالفعايل كل شاب
الشايب اللي في مواقفه امخبور
الشايب اللي لا يضام ولا يهاب
مخلدً ذكره على مر العصور
تحت التراب وسمعته فوق التراب
ارث لنا عز ن يعانق كل شور
اسيوف ن انعدل بها عوج ارقاب
دواهي ن لهم على الامجاد دور
اسطى على الطاغين من حد الحراب
على ندا الوافين لو ساع الصدور
وقفت ارحب مثل مزموم الهضاب
شاعر لو الشعار مافيهم قصور
لاكن لا من قمت هانن الصعاب
واللي يحسب ان الفخر مثل الغرور
لا يحسبن الماضي الحاضر سراب
حبيت ارحب دون ربعي بالحضور
من حقي امثل صناديد الحباب
a.top4top.net/m...
Негізгі бет صبيان الحباب كلمات الشاعر : مهدي الحبابي اداء : عايض المسردي
Пікірлер: 21