#أساطير #بيليه #البرازيل #المستديرة
ـ اهلا بيكم يا شباب فى حلقة جديدة من سلسة الاساطير ، متنسوش تعملوا لايك واشتراك للقناة علشان يوصلكم كل جديد ويلا بينا نبدأ .
ـ هنتكلم النهاردة عن الجوهرة السمراء بيليه ، اتولد بيليه فى 23 اكتوبر 1940 ف تريس كاراكوس فى البرازيل من عائلة بسيطة جداً كان والده بيشتغل عامل نظافة فى المستشفيات .
ـ ولما بيوصل بيله لسن ال 10 سنوات تحديداً فى يوم 16 / 7 / 1950 بيكون بيتلعب نهائى كاس العالم بين البرازيل و الاوروجواى على ملعب الماراكانا ، وبيكون المرشح الاول للفوز بالبطولة هى البرازيل ، لكن وسط صدمة الجميع بتفوز وقتها الاوروجواى على البرازيل بنتيجة 2 - 1 ، لكن فى الوقت دا بيليه لما بيشوف والده بيلاقيه بيبكى بسبب خسارة البرازيل ، وساعتها بيرولحه وبيقوله متبكيش انا لما اكبر هجيب كاس العالم للبرازيل ، وساعتها والده بيقوله انا منتظر اليوم دا .
ـ فى الوقت دا كان فى كشاف لنادى سانتوس اسمه فلاديمور ، كان معروف عنه انه بيشوف الاطفال الموهوبين وبيوديهم على نادى سانتوس ، و عرف بيليه وقتها انه جى للحارة بتاعتهم ، وفى سن ال 15 بينضم بيليه لنادى سانتوس .
ـ و بيتصعد للفريق الاول فى سن 16 بعد ما تألق مع فريق الناشئين ، وفى خلال وقت قليل جداً بيتم اختياره لتمثيل منتخب البرازيل علشان يكون اصغر لاعب فى تاريخ المنتخب ، وبنوصل لكاس عالم 58 واللى كانت اول مباراة ضد منتخب انجلترا ، واللى قدر بيليه انه يسجل هاتريك فى اول مباراة ليه فى كاس العالم ، وبنوصل للمبارة النهائية و بيقدر بيليه انه يسجل هدفين وبيفوزو بالمباراة علشان ينفذ وعده لابوه من 8 سنوات ، وبيكون اصغر لاعب يفوز بالمونديال و اول تتويج للبرازيل فى تاريخها .
ـ وتمر السنين ويفوز بيليه بمونديال 62 و 70 علشان يبقى الاعب الوحيد فى تاريخ الكورة اللى بيحقق 3 كاس عالم ، اما عن مسيرة بيليه مع سانتوس فهو لعب معاهم 636 مباراة سجل فيهم 618 هدف وفاز معاهم ب 11 لقب دورى و 6 كاس و 3 كاس لبيرتادوريس و 3 انتركونتينتال .
ـ اعتزل بيليه اللعب الدولى عام 71 بعد مالعب مع البرازيل 92 مباراة سجل فيهم 77 هدف علشان يبقى الهداف التاريخى ليهم لحد ما اتكسر الرقم دا عن طريق نيمار ، وفى عام 75 بينتقل بيليه لنادى نيويورك كوسموس علشان يلعب معاهم موسمين بيسجل فيهم 37 هدف علشان يقرر انه يعلق حذاءه فى 1977 علشان تتنهى مسيرة واحد من اعظم اللاعبين على مر التاريخ .
Негізгі бет بيلية الجوهرة السمراء - بيتحول من ماسح احذية الي افضل لاعبي العالم | الحلقة الثالثة - سلسله الاساطير
Пікірлер