Cəlilabad sakini təsərrüfatında rayon üçün xarakteri olmayan moruq sahəsi yaradıb. Ölkəmizdə əsasən dağlıq yerlərdə, meşə açıqlıqlarında, çayların kənarlarında və bir qədər rütubətli torpaqlarda bitən moruğu cəlilabadlı fermer bu dəfə öz bağında əkmək qərarına gəlib. O, bildirir ki, məhsuldarlıq bol olsa, çiyələk sahəsini moruqla əvəzləyəcək.
Əsasən yabanı halda yayılan moruğu bağ formasında yetişdirməyə çalışan cəlilabadlı fermer deyir ki, əgər bu istəyi baş tutarsa gələcəkdə 3 hektar ərazidə moruq əkini aparacaq. Təsərrüfat sahibi bildirdi ki, bağında əkdiyi moruq şitillərini Gəncə şəhərindən gətirib. Ötən ilin sentyabr ayında sahələrə köçürüb. İqlimlə əlaqədar olaraq təcrübə üçün cəmi 100 ədəd şitil əkib. Əgər yaxşı məhsul və qazanc əldə edərsə yeni mövsümdə digər sortlarla yanaşı əkdiyi moruq sortunuda artıracaq.
Əsəd Qurbanov - fermer
“Moruğu altı aydır gətirmişik bura. İndi əkirik eksperiment aparırıq üstündə görək nətər olacaq. Uyğun olsa sahəni genişləndirəcəyik. 2-3 hektarda artıracayıq.”
Cəlilabadlı fermer moruq əkini üçün təcrübə sahəsini çiyələk sahəsində yaradıb. Müsahibimiz deyir ki, moruq təsərrüfatı yaratmaq həvəsinə düşməyi əbəs deyil. Çünki,moruqun həm meyvəsi həm də bitkisinin bir çox xəstəliyə faydası var.
Негізгі бет Cəlilabadlı fermer ilk dəfə sınaq məqsədilə moruq sahəsi yaradıb
Пікірлер: 10