چاوپێكەوتنێكی كەمبینراوی مێژووی نەوشیروان مستەفا
محەمەد رەئوف
زستانی 2001 سەرقاڵی دۆكیۆمێنتەرییەك بووم لەسەر (شۆڕشی شێخ مەحمودی حەفید) دەمزانی كاك نەوشیروان دێتە بەشی راگەیاندنی زانكۆی سلێمانی و وانە دەڵێتەوە لە بینای كۆلێجی ددان، خۆشم لەوێ خوێندكاری زانكۆ بووم، دوو بۆ سێجار بە ( د. نەبەز مەجید عەمیدی كۆلێجی زانستە مرۆڤایەتیەكان و د. مۆفەق دەرگەڵەیی سەرۆكی بەشی راگەیاندن)م وت دەمەوێت چاوپێكەوتن لەگەڵ كاك نەوشیروان بكەم، هەستم كرد زۆر گوێیان بە قسەكانم ناداو بیانویان دەهێنایەوە، بۆیە رۆژێك بینیم لە قادرمەكانی كۆلێج دەهاتە خوارەوە، یەكسەر چومە بەردەمی وتم كاك نەوشیروان دەمەوێت چاوپێكەوتنێكت لەگەڵ بكەم، وتی لەسەر چی وتم " لەسەر شۆرشی شێخ مەحمود" وتی باشە پێم خۆشە سبەی وەرە یەك دەبینین، سبەی چومە ژووری سەرۆكی بەشی راگەیاندن و لەوێ یەكترمان بینی، چەند پرسیارێكی لێمكرد، خەڵكی كوێت؟ بۆچی دەتەوێت دۆكیۆمێنتەری لەسەر شێخ مەحمود بكەیت؟ بۆچی منت هەڵبژاردووە قسەی تیابكەم؟ دوای گفتوگۆكردن لە كۆتاییدا وتی" سبەی ئێوارە سەعات شەش وەرن بۆ ماڵەوە".
رۆژی دواتر لەوادەی خۆدا لەگەڵ وێنەگرەكەم" شاخەوان ئەنوەر" لە ماڵەكەی خۆی لەگردی عەلی ناجی چوینە ژوورەكەی لەگەڵ مامۆستا جوامێر دانیشتبوو، دوای بەخێرهاتن، وتی پرسیارەكانت چین، هەندێك پرسیارم پێ وت، وتی "من خۆم بەباشی ئامادەكردووە، قسەی خۆم ئەكەم و چی بۆتۆ گونجاو بوو بەكاری بهێنە" كە پرسیاری یەكەمم لێكرد، لەسەرتاوە زۆر بەووردی باسی شۆڕشەكەی شێخ مەحمود و هۆكارەكان و شكستەكانی كرد، نزیكەی 40 خولەك قسەیكرد، زۆر تێكەڵ بوبو لەگەڵ بابەتەكە هەستمكرد زۆر حەزی بەبابەتەكە بوو، زۆر بەووردی باسی كەسەكان و ناوی شوێن و بابەتەكەی دەكرد، وەك شارەزایەكی قاڵبوو لە مێژووی گەلی كوردستان و ناوچەكە قسەی دەكرد.
ئەم چاوپێكەوتنەم كردە بەشێك لە بەرنامە دۆكیۆمێنتەریەكە كە بە دوو بەش پەخشكرا لەگەڵ كە چەند كارەكتەرێكی تر كە بەشداربوون لەبەرنامەكە( عەبدولرەقیب یوسف، د. حەمە دلێر، عەبدولرەحمان سدیق) دۆكیۆمێنتەریەكە زۆر وورد و بەڵگەنامەی تیایە، بەڵام لێرەدا تەنها قسەكانی كاك نەوشیروانم لێدەركردووە.
بەداخەوە مادە خامەكەی نەماوە دوای گەرانێكی زۆر هاوڕیانم تەلەفزیۆنی یەكگرتوو، لەئەرشیفدا عەزێتیان كێشاو بە مونتاژكراوی بەرنامەكەیان دەستخستمەوە، ئەگەرچی بەرنامەكە چەندین رۆژ پێوەی ماندوو بووم بە ئامادەكردن و چاوپێكەوتن و مونتاژیەوە، بەڵام بەرنامەكە موڵكی ئەوانەو زۆر سوپاسیان ئەكەم.
محەمەد رەئوف.
Негізгі бет چاوپێكەوتنێكی كەمبینراوی مێژووی نەوشیروان مستەفا محەمەد رەئوف زستانی 2001 سەر
Пікірлер: 19