2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar parlament seçkilərinin təbliğat-təşviqat mərhələsi çərçivəsində Biləsuvar rayonu, Cəbrayıl qəsəbələrində məskunlaşan seçicilərimizlə görüşdük.
Öncə Ulu Öndər Heydər Əliyevin abidəsi önünə gül dəstələri qoyaraq dərin ehtiramımızı bildirdik. Daha sonra “Şəhidlər” Abidə Kompleksini ziyarət edərək vətən uğrunda canlarından keçmiş şəhidlərimizə Allahdan rəhmət dilədik.
Görüşdə YAP Cəbrayıl Rayon Təşkilatının sədri Arif Fərzəliyev, YAP Veteranlar Şurasının üzvü Əli Həsənov, 91-lər hərəkatının və AMEA-nın müxbir üzvü, professor Novruz Quliyev, Cəbrayıl Rayon Ağsaqqallar Şurasının sədri Vaqif Məhərrəmov, Opera və Balet Teatrının Baş rejissoru Hafiz Quliyev, Azərbaycan Yazıçılar Birliyinin katibi Elçin Hüseynbəyli iştirak etdilər.
500-dən artıq seçicinin iştirak etdiyi görüşdə “Yeni dövrə Yeni Azərbaycanla!” şüarı ilə seçkilərə qatılan YAP-ın seçki platforması haqqında ətraflı məlumat verdik. Müstəqil Azərbaycanın memarı, Ulu Öndər Heydər Əliyevin əsasını qoyduğu, dünənin, bu günün, gələcəyin partiyası olan YAP-ın 90-cı illərdən etibarən siyasi səhnəmizin əsas aparıcı partiyası olduğunu, qarşısına qoyduğu vəzifələri uğurla həyata keçirən ən güclü siyasi təşkilat statusuna ucaldığını vurğuladıq.
Bu gün də müzəffər Ali Baş Komandan tərəfindən davam etdirilən siyasi varislik ənənələrinin uğurla davam etdirilməsi kontekstində “Böyük Qayıdış” Dövlət Proqramı, işğaldan azad edilmiş torpaqlarımızda aparılan bərpa-quruculuq işləri, istehsal və xidmət infrastrukturunun qurulması, iqtisadi fəaliyyətin, o cümlədən nəqliyyat-kommunikasiya xətlərinin bərpası, xüsusilə Zəngəzur dəhlizinin açılması istiqamətində görülən işlərdən danışdıq.
Vurğuladıq ki, həyata keçirilən məqsədyönlü və genişmiqyaslı layihələr Qarabağ və Şərqi Zəngəzur iqtisadi rayonlarının sürətlə dirçəlməsinə, əhalinin dayanıqlı məskunlaşmasına və davamlı iqtisadi aktivliyinin təmin olunmasına xidmət edir, habelə həmin ərazilərin yüksək inkişaf etmiş regiona çevrilməsi üçün sağlam bünövrə yaradır.
Daha sonra seçicilərimizi səsvermə günü fəal iştirakçılığa, Ulu Öndər Heydər Əliyev siyasi ənənələrinə, Prezident İlham Əliyevin həyata keçirdiyi siyasətə səs verməyə - Yeni Azərbaycan Partiyasını dəstəkləməyə dəvət etdik.
Негізгі бет Ceyhun Məmmədov. Parlament seçkiləri2024. Biləsuvarda yaşayan Cəbtayıllılarla görüş. 30.08.2024.
Пікірлер: 3