陳奕迅獻唱大個女 愛女陳康堤感動落淚|27場演唱會圓滿結東 Eason一度不適怕中招|大解放與樂手、舞者親切擁抱|HK E News 娛樂新聞報道
陳奕迅 Eason Chan 事隔9年之後再盈紅館舉行嘅27場演唱會,24號圓滿結束,太太 徐濠縈 同囡囡陳康堤繼續喺台下支持之外,Eason爸爸 陳裘大 呢晚亦都係座上客,唔少圈中人亦都趕搭尾班車入場欣賞。 而現場觀眾去到Eason唱出《天下無雙》時,亦同時驚喜舉行Banner打氣,令佢非常感動。到Encore時Eason亦趁最後一晚連唱5首歌,就連演唱會音樂總監 Jerald陳哲廬 亦都現身同Eason唱返幾句《暴殄天物》。 呢晚Eason亦趁表演期間以《單車》同《大個女》歌聲獻俾父母同囡囡,康堤仲邊聽邊感動落淚,之後Eason又話以《單車》送予無私為大家努力嘅上一代同父母。 事後Eason接受傳媒訪問,就提到27場表演期間聲帶曾一度不適,不過好彩最後冇大礙。至於問到會唔會再挑戰更多場次,佢就即刻耍手擰頭話唔好,話冇可能為數字而挑戰,仲話當年學友連續38場嘅數字簡直係嚇人呀。 之前因為擔心感染令表演中斷,Eason同樂手、舞者等都有好大壓力,直到完騷先好好擁抱。而每晚Encore環節唱出最有紀念性嘅27首歌曲,Eason仲話非常感恩,仲當係慶祝自己入行27周年嘅禮物,歡迎大家上網重溫咁話呀。休息過後,大約4月佢就會展開巡迴,將會到星、馬同台灣等地開騷。
#陳奕迅 #大個女 #陳康堤 #陳奕迅演唱會 #天下無雙 #單車 #TVB #娛樂新聞 #StayHome #WithMe #跟我一樣 #宅在家
Негізгі бет 陳奕迅獻唱大個女 愛女陳康堤感動落淚|27場演唱會圓滿結東 Eason一度不適怕中招|大解放與樂手、舞者親切擁抱|HK E News 娛樂新聞報道
Пікірлер: 18