-1
يا تالمون نتوما صغار جابنالكم الميكرو سكوب
و الله لا عيب و عار ملي بديتو مافرحتو بكوب
ايكيب تسوى مليار بيبليك عشرة كي شغل ڤروب
فالهدرة نيمبير وان يا معانا ڤاري دير سطوب
-------------------------------------------
حمراوي يا سلام ...
بارتو طالع لعلام ...
حنا شرفنا لمدينة نتوما غي تع افلام
تأسسنا فالمولود ....
باصي كتبوه لجدود...
شواكرهم هادي مدة من عام هدفي ميلود
معلاباناش بالخردة شعبية بلا حدود
__________________________
-2
تڤولو حنا مدرسة و السارك مغبر عريان
ماعندكم تى قصة الشومبيونا غي باليسان
التاريخ جامي ينسى طلعناكم درنا لمان
فيكم صنعة النسا درتو أميتي مع العديان
-------------------------------------------
خيرنا و دار علينا...
و حنا لافوت فينا...
البارح حلبناكم ليوم خرجو فالعيب
عاود رد لاميموار
توجور لابات نوار
موالف معانا تسوفري شاعلين فيكم النار
علابانا تبيع و تشري و خلي الباقي آبااار
___________________________
-3
و حنا فري ولاد بلاد قاعدة جامي تكومباري
الحمري حومة لجداد ضحاو عليها من بكري
كابيطال ألاموووور صغير و كبير مربي
زعما وين ما دووور مافيناش لي يروندي
-------------------------------------------
بتيلاك و تيريقو
بولوندي و الطورو
ڤمبيطا و سانتوجان يعشقو الحمرا مزمان
بيتي و ليزاموندي..
ولاد سيدي الهواري..
مارافال و سانبيار و ڤاع ليكارتي بوبيلار
شوبو و ليزاشالام تحيا حنايا و السلااااااام
___________________________
-4
مازلتو تغنو الراي جايبينها ستيل مداحات
عرفناكم بالديطاي قابلناكم تقول شيرات
لا نيفو لا إيستوار بلاصتكم راهي فالهواة
الداربي هربتوا للدار و ليوم وليتونا حاجات
-------------------------------------------
حمراوي يا سلام ...
بارتو طالع لعلام ...
حنا شرفنا لمدينة نتوما غي تع افلام
تأسسنا فالمولود ....
باصي كتبوه لجدود...
شواكرهم هادي مدة من عام هدفي ميلود
معلاباناش بالخردة شعبية بلا حدود
_____________________________
Негізгі бет Chant Ultras Red Castle n°/05/ Hamrawi Ya salam
Пікірлер: 233