මීටර දෙක තුනකට එහා දුරක් නොපෙනෙන අධික මිහිදුම් වලාවන් අතරින් ඉද හිට වැටෙන අයිස් හා සමාන සීතලකින් යුක්ත වූ කුඩා දිය බිදිති සම මත පතිත වීමත් සමග දැනෙන සීතල විටෙක හිරිගඩු පිපෙන තරම් ය. කදු තරණය ආරම්භ කොට ඉතා මද වේලාවකින්ම ගමන් මග සම්පූර්ණයෙන්ම සුදෝ සුදුවන් මිහිදුම් වලාවකින් වසා ගත්තේ සොදුරු අත්දැකීමක් එක් කරවමිනි.
උසින් අඩු ශාක තෙත පාසි සහ කුඩා පැලෑටි වලින් පිරී ගොසින් ය. ඒ පාසි මත රැදී ඇති සීතල දිය බිදිති මගින් වනාන්තරය මැදින් ගමන් ගන්නා ඕනෑම අයකු ඉතා කුඩා වේලාවකින් සම්පූර්ණයෙන්ම තෙත බරිත කොට දමයි. මහ වැස්සකට පෙර සීතලේම කූඩාරම් සකස් කර ගැනීමත් ඒ තුල පිස ගන්නා ලද උනුසුම් ආහාරයක් ගෙන ලංකාවේ සීතලම කදවුරු භූමිය තුල රැයක් ගත කිරීමත් අප ලැබූ අමතක නොවන සොදුරු අත්දැකීමකි.
පුරාවෘත්තයන් ගණනාවකම පාහේ මූල බීජයක් ලෙස සැළකෙන සුන්දර චැරියට් පාත් තැන්න පිහිටා ඇත්තේ පිදුරුතලාගල රක්ෂිතයේ එක් අන්තයකට වන්නටයි. රම්බොඩ ඇල්ලේ ප්රධාන ජල පෝශක ප්රදේශයක් වන චැරියට් පාත් තැන්න ඉතා සුන්දර සහ වටිනා සොබාදහමේ නිමැවුමකි. තැන්න කෙලවරට වන්නට පිහිටා තිබෙන දැඩි හෙල ආසන්නයේ ඇති ගල් තලාව මත කදවුරු බැදීම කෙතරම් මනස්කාන්ත දැයි හැගී යන්නේ උදෑසන හිරු නැගීමත් සමග කදු වලල්ල අතරින් එක එල්ලේම සමනොල කන්ද දැක ගත හැකි නිසාවෙනි.
කදු වලල්ලක් මැද පිහිටා ඇති චැරියට් පාත් තැන්න වන සතුන්ගේ ක්ශේම භූමියකි. උසින් වැඩි ගෝනුන් සහ දිවියන්, කොටියන් මෙහි ඔබ මොබ සැරිසරණ බවට සාක්ෂි සහ සාධක සුලබව දැකිය හැක.
එක් පසෙකින් නුවරඑළිය පිදුරුතලාගලත් තවත් පසෙකින් මහනුවර,ගම්පොල දක්වාත් අම්බුලුවාව,කොත්මලේ
ජලාශය, මහවැලි මහ සෑය මෙහි සිට ඉතා පැහැදිලිව දැක ගත හැකිය. මෙය සුන්දර පාරාදීසයක් යැයි කීමට තවත් අටුවා ටීකා ටිප්පනි කුමකටද ...
දින තුනකට ආසන්න කාලයක් චැරියට් පාත් තැන්න තුල ගතකල අප එය වටා ඇති උස් කදු මුදුන් වෙත යාමටත් අමතක නොකල අතර ඒ ගත කල දින කිහිපය සදාකල්හිම අප හදවෙතේ සටහන්ව පවතිනු ඇත.මේ ඒ සොදුරු අත්දැකීමේ රූ සටහන් පෙළයි.
ඔබත් දිනෙක චැරියට් පාත් හී සංචාරය කලහොත් එහි ඇති සංවේදී පරිසර පද්ධතියට සහ එහි ජීවත් වන සතා සිව්පාවුන් හට හානියක් උපද්රවයක් නොවන පරිද්දෙන් ඔබේ සංචාරය සැළසුම්
කරන මෙන් ඉතාමත් කාරුණිකව ඉල්ලා සිටිමු.
#Travelfellows #Travel #chariotpath #chariotpathcamping #chariotpathsrilanka #chariotpathway
#ravanachariotpath #chariotpathpussellawa #chariot #chariotpathvlog #charotpath #rawanachariotpath #chariotpathhiking #routeofchariotpath #ravanaschariotpath #chariotpathsrilanka #topofthechariotpath
#chariotpathkingrawana #chariotpathtripreports #chariotpathofkingravana #chariotparthreview #path #chariotcamping #chariotSriLanka #hiking #mountain #climbing #adventure
Негізгі бет Chariot path | චැරියට් පාත් | ලංකාවේ සීතලම තැන
Пікірлер: 78