Ubuhamya bwa Chorale Abagenzi kuri Pr Nyamaswa Ephron.
__________________________________________
Pr Nyamaswa Ephron Twatangiye kumubona ubwo yarambagizaga Georgette turirimbana muri choir, ntibyatinze, ubukwe bwabo buba burabaye ,mugihe gisohoye baba baranabyaye umuhungu Shema Remy, ndetse bakurikizaho Gaju
Ubwo Niko igihe cyegereza urugamba rwo kubohora igihugu mu 1990!
Nkuko mu gihugu byabaga bitoroheye bamwe cyane cyane abitwaga ibyitso by inkotanyi, ni muri ubwo buryo byabaye ngombwa ko ahunga igihugu, ntibyatinze n Umuryango wose urahunga, mama Remy ahetse uruhinja rwari rumaze amezi macye cyane ruvutse ariwe Mico.
Nyuma ya Genocide yskorewe Abatutsi mu 1994, nibwo bagarutse mu rwababyaye nk abandi Bose barimo batahuka.
Pr.Nyamaswa rero yakomeje kuba hafi cyane ya korali Abagenzi, ariko atugura inama, ariko aduhindurira indirimbo zivuye muzindi ndimi nk icyongrreza cg ikigande, ntibyatinze muri 1996 aba atorewe kuba president wa Chorale Abagenzi arinabwo twakoraga video yambere y'amashusho dufashijwemo na producer Nyagahinga Joseph ibyo ntibyamubuzaga gukora izindi nshingano mw'itorero rya Muhima.
Igihe kiragera biba ngombwa yuko ajya kwiga kaminuza I Bugema ,mubyerekeye Theology hiyongereyeho na Counseling.
Aho ashoreje amasomo Chorale abagenzi yagiye i Bugema kuririmba mu muhango wo gusoza amasomo, agaruka mugihugu , icyo twibuka nuko yajyaga atubwira muri rwa rwenya rwe Ati shahu ubu ndimo kwiga Kandi n'abana banjye biga barimo kumbwira ko nintsindwa nabo bagatsinda bazanseka!! Ati rero ubu ndi kurugamba rukomeye kugirango abana batazajya bansekera mugipfunsi!!
Rero kuruhande rwa Chorale igihe cyose yabaga aturi hafi, ubundi abaza amakuru ya chorale mugihe yabaga afite inshingano zo kuyobora zimwe mu ntara z'ivugabutumwa za hano muri Kigali,mbere yuko ajya gukora muri Unilak.
Ikindi yakoze gikomeye Kandi gifite akamaro kanini, nuko uretse kugenda ayobora ibikorwa byo kwibuka, niwe wadufashije cyane kumenya benshi basengeraga kumuhima bishwe muri genocide yakorewe Abatutsi 1994, nanubu akaba yaragikomeza gukora ubushakashats, kuba ari mu basabiraga abasore bacu agasabwa abageni bacu.
Rero Chorale Abagenzi tugize icyuho gikomeye muri twe, kuko inama ze nyinshi zatumaga twubaka umurimo zari zigikomeza, kuko n amategeko agenga chorale amenshi tukigenderaho nanubu akaba ariwe wayashyizeho igihe yari President wa chorale.
Tuzamukumbura cyane , kuko igihe cyose twahuraga yabaga afite udukuru twinshi dushekeje, Kandi buri wese mukigero agezemo cy'ubukure akamenya uburyo amuganiriza.ariko uko Imana Izajya Idushoboza ,tuzajya turushaho kubana n Umuryango asize.
Turizera ko vuga bidatinze tuzahura mugitondo cy umuzuko.
Imana Ibidushoboze.
Негізгі бет Chorale Abagenzi yashenguwe n'Urupfu Rwa Pr Nyamaswa Ephron wayiririmbyemo akayibera n'umuyobozi.
No video
Пікірлер: 13