I te 'āva'e nō ’ātete 2024, e taui te fa'anahora'a o te mau fare ha'api'ira'a tuatahi. Nō te mau piahi, e 24 hora ha’api’ira’a i te hepetoma hō’ē ’e ’aita te roara’a o te mahana ha’api’ira’a e hou atu i te 6 hora.
E te mau metua, tē tītau-manihini-hia ra ’outou e mā’iti i te fa’anahora’a hepetoma e au ia ’outou i rotopū i nā fa’aaura’a e 5 nei :
- Fa’aaura’a 1 : I roto i te hepetoma 5 mahana, e 4 avatea ravera’a ’ohipa ’e e ha’apotohia te roara’a o te mahana ha’api’ira’a.
- Fa’aaura’a 2 : I roto i te hepetoma 5 mahana, e 3 avatea ravera’a ’ohipa.
- Fa’aaura’a 3 : I roto i te hepetoma 5 mahana, e 2 avatea ravera’a ’ohipa (mahana piti ’e mahana maha aore rā monirē ’e mahana piti).
- Fa’aaura’a 4 : I roto i te hepetoma 5 mahana, e rave noa i te ’ohipa i te po’ipo’i. E 5 hora te faito hōpe’a.
- Fa’aaura’a 5 : Hō’ē hepetoma 4 mahana (’aita e ha’api’ira’a i te mahana toru ’e e hō’ē maora’a 6 hora ha’api’ira’a i te tahi atu mau mahana.
Te mā’itira’a :
E tupu ’oia i roto i te fare ha’api’ira’a o ta ’outou tamari’i i te 11 e tae atu i te 15 nō māti 2024. Hō’ē reo, hō’ē ïa ’utuāfare.
Te hope’ara’a :
E ha’apurorohia ’oia mai te 29 nō ’ēperēra i ni’a i te tahua natirara a te pū DGEE : www.education.pf.
E ha’amauhia te hepetoma ha’api’ira’a i te fāito tuha’a o te mau ’oire tāta’itahi.
Te mau metua, e mea faufa’a roa tō ’outou mana’o ! Nō te fa’anaho i te fare ha’api’ira’a nō ananahi.
Te mau ha’amāramaramara’a ni’a ia www.education.pf.
Ce clip vidéo a été réalisé par le bureau de la production pédagogique audiovisuelle de la Direction générale de l'éducation et des enseignements.
Негізгі бет Clip TV | Les nouveaux rythmes scolaires - TH (2024)
Пікірлер