දිය යට රණකාමීත්වය 💥 සංග්රාමික කිමිදුම් බලඝනය - යුද්ධ හමුදා විශේෂ බලකාය......
🔴මීට පෙර වීඩියෝවේ සඳහන් කඹය දැමූ කණ්ඩායම
***********************************
(නිවැරදි කිරීම් වලට යටත්ව...)
යුද හමුදා විශේෂ බලකායේ 2 වැනි රෙජිමේන්තුව යටතේ සංග්රාමික කිමිදුම් බලඝනය ස්ථාපිත කර ඇත. බලඝන 3 කින් සමන්විතව 1994 දී පිහිටුවන ලද 2 වැනි රෙජිමේන්තුවට 4 වැනි බලඝනය ලෙස මෙම සංග්රාමික කිමිදුම් ඒකකය එක්කරන ලදි. දිය යටින් ගොස් සිදුකරන මෙහෙයුම් (Underwater operations) සඳහා මනා පුහුණුවක් ලබා සිටින මෙම බලඝනය 2006 -2009 මානුෂීය මෙහෙයුමේ දී අප්රකට නමුත් වික්රමාන්විත හා අමිල මෙහෙවරක් ඉටු කළහ. ඇතැම් රටවල මීට සමාන රාජකාරි වල නියුතු සොල්දාදුවන් හැඳින්වීමට 'Frogmans' යන වදන භාවිත කෙරේ. ඒ, දියේ මෙන්ම ගොඩබිමත් ඕනෑම සංග්රාමික අවශ්යතාවකට පුහුණුව ලබා ඇති බැවිනි.
යුදහමුදා විශේෂ බලකායේ බලසේනාධිපතිවරයෙකු වූ එවකට කර්නල් ප්රසන්න ද සිල්වා එම ධුරයෙන් සමුගෙන 2008 දී මුහමාලේ 55 සේනාංකාධිපති ලෙස පත්වීමෙන් පසු කිමිදුම් බලඝනයට වැඩි කාර්යභාරයක් පැවරිණ. එවකට ලුතිතන් ජයරත්න ගේ අණදීම යටතේ ක්රියාත්මක වූ මෙම කණ්ඩායම නාගර්කෝවිල් කඩොලාන ආශ්රිත වගුරු සහිත ඉදිරි ආරක්ෂක කලාපයේ රාජකාරී සඳහා යොදවා තිබිණ. මුහමාලේ සිට ඉදිරියට මෙහෙයුම් ක්රියාත්මක වෙමින් තිබියදී ජල බාධක කිහිපයක්ම තරණය කිරීමට තිබු බැවින් 55 සේනාංකයත් සමගම මෙම බලඝනය පවත්වාගෙන යාමට බ්රිගේඩියර් ප්රසන්න ද සිල්වා පියවර ගත්තේය.
විශේෂයෙන් චුණ්ඩිකුලම් කලපුව තරණය කිරීමේදී සංග්රාමික කිමිදුම් බලඝනය වික්රමාන්විත මෙහෙයුමක් සිදුකළේය. ඉතා වේගවත් දියවැල් (Current) සහිත පුලුල් කලපු මෝයක් වූ චුණ්ඩිකුලම්, පසුකර යාම පාබල බලඇණි වලට දැඩි අභියෝගයක් විය. එය පහසු කරවීම සඳහා අඩිතාලම දැමුවේ මෙම සංග්රාමික කිමිදුම් ඛණ්ඩයයි. ඔවුන් සෘජු සබඳතා පැවැත්වූයේ හා අණ ලබා ගත්තේ 55 සේනාංකාධිපතිගෙනි. ඊට පෙර හා පසු 55 සේනාංක ගමන්මගේ හමුවු කුඩා කලපු හා ජල බාධක තරණයේදීද කිමිදුම් බලඝණයේ සහය ලබා ගැනිණ.
අවසන් වශයෙන් ඔවුන්ට පැවරුණු දැවැන්තම සංග්රාමික අභියෝගය වූයේ වඩ්ඩුවාකල් සපත්තු පාලමට බටහිරින් නන්දිකඩාල් කලපුව හරහා LTTE පාලන ප්රදේශයට කඹයක් ඇදීමයි. දැඩි දුෂ්කරතා හා මාරාන්තික අභියෝග මැද එය සාර්ථකව ඉටුකිරීමෙන් පසු දහස් ගණනක් ජනයාට ත්රස්තවාදී ග්රහණයෙන් මිදී හමුදා පාලන ප්රදේශයට ලඟා වීමට එම කඹය මහත් උපකාරයක් විය.
මේ වන විටත් සංග්රාමික කිමිදුම් බලඝනය අඛණ්ඩව පුහුණුවීම් සිදුකරන අතර ඔවුන්ගේ පුහුණු පාසල හා කඳවුර මුලතිව් නයාරු කලපුව හා මුහුදු තීරය ආශ්රිතව පිහිටා ඇත.
Негізгі бет Combat Diving squadron of Army Special Forces සංග්රාමික කිමිදුම් බලඝනය යුද හමුදා විශේෂ බලකාය
Пікірлер: 541