Contoh teks lamaran bahasa jawa.Apabila diminta untuk melamarkan dalam bahasa jawa bisa diterapkan sesuai dengan kondisi.Silakan ditambah atau dikurangi sesuai kebutuhan masing-masing.Bisa juga diganti kata-katanya sesuai selera.Semoga bermanfaat dan jangan lupa untuk like coment dan subscribe untuk mendukung channel ini.Terimakasih
#lamaran
#bahasajawa
Teks:
Assalamualaikum warahmatullahi wabarakatuhu
Para sesepuh pinisepuh ingkang tuhu kinabekten
bapa....(calon hamengku gati) sekalian garwa
miwah keluarga sumrambah sagung para rawuh
kakung saha putri ingkang dahat kinurmatan
Langkung rumiyin monggo tansah kula ndereaken manengku puja dalasan puji syukur konjuk wonten ngarsa dalem Gusti Ingkang Maha Agung
Ingkang sampun paring rohmat nikmat
tuwin kekiyatan saha kewilujengan satemah
panjenengan lan kula wonten ing wekdal menika
taseh saget kempal manunggal nyawiji wonten ing menika papan kanti ginanjar karaharjan
Ing salajengipun keparenga kula sumela atur wonten ngarsa panjenengan sedaya satemah nggempil kamardikan panjenengan sawetawis ingkang nembe
eco sekeco wawan sabda
Wonten ing mriki kula minangka talanging atur
saking panjenenganipun bapa...(calon kadang besan) ingkang supados ngaturaken menopo ingkang dados babaring sedya wonten ing ari kalenggahan punika
Dene pamaturipun ingkang sepisan Bapa...(calon
kadang besan) sowan sakadang kanti nyuwun
ridhaning Gusti niat silaturahim
Ingkang angka kalih bapa...(calon kadang besan)
ngaturaken salam taklimipun katur dumateng bapa...(calon hamengku gati) sekalian miwah keluarga
Dene ingkang angka tiga wigatosing gati pisowan
kula sakadang bilih panjenenganipun bapa...(calon kadang besan) badhe netepi darmaning asepuh
nedya hangraketaken balung apisah daging
arenggang bebasan ebun ebun enjang anjejawah
sonten,ndodok latar ndodok lawang,sumedya
nginang jambe suruhe
Badhe anglamar putra putrinipun bapa...(calon
hamengku gati) nun inggih ingkang apeparap
rara ayu...(calon temanten putri) mugi sageta
pinangka jatukramanipun raka mas bagus...(calon temanten kakung) sedaya kalawau mbok bilih Gusti Ingkang Maha Agung paring jodo saha wonten keparingipun saking bapa...(calon hamengku gati) sekalian miwah wonten sarjunipun penggalih saking putra putri nun inggih rara ayu...(calon temanten putri)
Mekaten menggah wigatosing gati sowan kula
Ing salajengipun kula namung badhe cumadhong
dawuh saking penjenenganipun bapa...(calon
hamengku gati) ing mbok bilih wonten keparengipun paring wangsulan ingkang gumatok wanci punika
kula sanget ngaturaken agunging panuwun lan
mbok bilih samangkih adicara sampun kaanggep paripurna kula sakadang badhe nyuwun pamit nyuwun tambahing pangestu saking panjenengan sedaya
mugi lampah kula saking papan menika dumugi dalemipun sowang-sowang tansah ginanjar widodo wilujeng tinebihna saking bebayaning margi
ing wasana mbok bilih anggen kula sowan sakadang kirang trapsilo suba sita tindak tanduk
menopo kemawon,ingkang mboten dados renaning penggalih, kula minangka wakil ngaturaken agunging pangapunten
mekaten lan semanten ingkang saget kulaaturaken minangka talanging atur saking panjenenganipun
bapa...(calon kadang besan)
wonten kirang langkungipun saestu kula tansah
nyadong lumunturing sih samudra pangaksami
Kula pungkasi wabillahitaufiq wal hidayah wassalamu'alaikum warahmatullahi wabarakatuhu
Негізгі бет Contoh Lamaran Bahasa Jawa
No video
Пікірлер: 17