Syriac Translation:
ܒܽܗ̄ܘ ܪܺܝܫܳܐ
ܐܰܠܳܗܳܐ ܗ̄ܽܘ ܪܺܝܫܳܐ ܕܟܽܘ̇ܠ ܡܶܕܶܐ ܝܳܐ.
ܐܰܠܳܗܳܐ ܒܪܶܐ ܠܶܗ ܗ̄ܺܝ ܫܡܰܝܳܐ ܘܺܗ̄ܝ ܐܰܪܥܳܐ.
ܗ̄ܺܝ ܫܡܰܝܳܐ ܣܦ݄ܩܬܳܐ (ܟ̥ܠܺܝܬܳܐ) ܗ̄ܘܰܐ ܘܥܰܬܽܘܡܬܳܐ܆
ܘܟ݄ܬ ܗ̄ܘܰܘ ܡܰܝ̈ܶܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ.
ܘܐܡ݄ܪ ܠܶܗ ܐܰܠܳܗܳܐ: «ܛܪܳܐ ܗ̄ܘܶܐ ܢܽܘܗܪܳܐ.»
ܘܗܰܘܺܝ ܢܽܘܗܪܳܐ.
ܘܗܰܘܺܝ ܪܰܡܫܳܐ ܘܗܰܘܺܝ ܨܰܦܪܳܐ.
ܗܰܢܳܐ ܗ̄ܘܰܐ ܗ̄ܽܘ ܝܰܘܡܳܐ ܩܰܕ̱ܡܳܝܳܐ.
ܒ݄ܬ̥ܪܟܶܐ، ܒܪܶܐ ܠܶܗ ܐܰܠܳܗܳܐ ܗ̄ܽܘ ܪܩܺܝܥܳܐ
ܠܰܠܥ݄ܠ ܡܰܢ̱ ܡّܰܝ̈ܶܐ.
ܘ݄ܩܪܶܐ ܠܶܗ ܐܰܠܳܗܳܐ ܠܽܗ̄ܘ ܪܩܺܝܥܳܐ ܫܡܰܝܳܐ.
ܘܗܰܢܳܐ ܗܘ̄ܰܐ ܗ̄ܽܘ ܝܰܘܡܳܐ ܕܰܬܪܶܝ.
ܘܒܽܗ̄ܘ ܝܰܘܡܳܐ ܕܰܬܠܳܬ̥ܳܐ،
ܡܰܠܬܰܡ ܠܶܗ ܐܰܠܳܗܳܐ ܗ̄ܰܡّܰܝ̈ܶܐ ܠܕܳܘܟܬ̥ܰܝّܶܗ.
ܘܗܰܘܟ̥ܰܐ ܗܰܘ݄ܢ ܗ̄ܰܝّܰܡ̈ܶܐ،
ܘܺܗ̄ܝ ܐܰܪܥܳܐ ܢܰܫ݄ܦܬܳܐ (ܝܰܒ݄ܫܬܳܐ).
ܘܐܡ݄ܪ ܠܶܗ ܐܰܠܳܗܳܐ:
«ܛܪܳܐ ܗ̄ܺܝ ܐܰܪܥܳܐ ܡܳܘ̇ܦܩܳܐ ܓܶܠܳܐ ܘܺܐܝܠܳܢ̈ܶܐ.»
ܘܗܰܘܟ̥ܰܐ ܗܰܘܺܝ!
ܗܺܝ ܢܰܩܠܝܳܐ ܐܡ݄ܪ ܠܶܗ ܐܰܠܳܗܳܐ:
«ܛܪܳܐ ܗܳܘ݄ܢ ܢܰܗܺܝܖ̈ܶܐ ܒܽܗ̄ܘ ܪܩܺܝܥܳܐ ܕܺܗ̄ܝ ܫܡܰܝܳܐ
ܕܦ݄ܪܫܺܝ ܒܰܝܢ ܗ̄ܽܘ ܝܰܘܡܳܐ ܘܽܗ̄ܘ ܠܰܠܝܳܐ.»
ܘܰܐܠܳܗܳܐ ܣ݄ܡ ܠܶܗ ܗ̄ܺܝ ܫܶܡܫܳܐ،
ܘܽܗ̄ܘ ܣܰܗܪܳܐ ܘܰܟّܽܘܟܒ̥̈ܶܐ.
ܘܗܰܢܳܐ ܗܰܘܺܝ ܗ̄ܽܘ ܝܰܘܡܳܐ ܕܰܗ̄ܢ ܐܰܪܒܥܳܐ.
ܒܽܗ̄ܘ ܝܰܘܡܳܐ ܕܰܚّܰܡܫܳܐ
ܒܪܶܐ ܠܶܗ ܐܰܠܳܗܳܐ ܗ̄ܰܢ ܢܽܘܢ̈ܶܐ ܕܒܰܝّܰܡ̈ܶܐ
ܘܰܛّܰܝܖ̈ܶܐ ܕܺܗ̄ܝ ܫܡܰܝܳܐ.
ܘܒܽܗ̄ܘ ܝܰܘܡܳܐ ܕܰܗ̄ܢ ܐܶܫܬܳܐ،
ܐܰܠܳܗܳܐ ܒܪܶܐ ܠܶܗ ܗ̄ܰܒܥܺܝܖ̈ܶܐ ܘܰܙّܰܚܦ̈ܶܐ ܘܰܚّܰܝ̈ܘܳܬ̥ܳܐ ܕܺܗ̄ܝ ܐܰܪܥܳܐ.
ܘܰܐܠܳܗܳܐ ܐܡ݄ܪ ܠܶܗ:
«ܣܰܝܡܺܝܢܳܐ ܗ̄ܽܘ ܢܳܫܳܐ ܒܽܗ̄ܘ ܨܰܠܡܰܝܕܰܢ ܐܟ̥ ܕܽܗ̄ܘ ܕܳܘܡܝܰܝܕ̥ܰܢ.
ܘ݄ܛܪܳܐ ܡܺܝܫܰܠܛܺܝ ܥܰܠ ܗ̄ܰܢ ܢܽܘܢ̈ܶܐ ܕܽܗ̄ܘ ܝܰܡܳܐ
ܘܥܰܠ ܗ̄ܰܛّܰܝܖ̈ܶܐ ܕܺܗ̄ܝ ܫܡܰܝܳܐ ܘܥܰܠ ܗ̄ܰܒܥܺܝܖ̈ܶܐ
ܘܥܰܠ ܟܘ̇ܠّܶܗ ܗ̄ܰܚّܰܝ̈ܘܳܬ̥ܳܐ ܕܺܗ̄ܝ ܐܰܪܥܳܐ.
ܘܥܰܠ ܟܘ̇ܠّܶܗ ܗ̄ܰܙّܰܚܦ̈ܶܐ ܕ݄ܟܙ݄ܚܦܺܝ ܥܰܠ ܗ̄ܺܝ ܐܰܪܥܳܐ.»
ܘܣ݄ܡ ܠܶܗ ܐܰܠܳܗܳܐ ܗ̄ܽܘ ܢܳܫܳܐ ܩܰܕ̱ܡܳܝܳܐ ܡܽܗ̄ܘ ܥܰܦܪܳܐ
ܗ̄ܽܘ ܢܳܫܳܐ ܩܰܕ̱ܡܳܝܳܐ ܩܪܶܐ ܐܳܕ̥ܳܡ.
ܘ݄ܢܦ݄̊ܚ ܠܶܗ ܐܰܠܳܗܳܐ ܒܳܐܕ̥ܳܡ
ܢܦ̊ܰܚܬܳܐ ܕܰܚّܰܝ̈ܶܐ.
ܘ݄ܚܙܶܐ ܠܶܗ ܐܰܠܳܗܳܐ ܟܽܘ̇ܠ ܡܶܕܶܐ ܕܣ݄ܡ ܠܶܗ، ܟܰܐܠܶܗ ܓ̥ܰܠܰܒܶܐ ܛܳܒ̥ܳܐ.
ܘ݄ܬ̥ܢܺܝܚ ܒܰܝܘܡܳܐ ܕܰܫّܰܒ̥ܥܳܐ
ܡܶܢ̱ ܟܘ̇ܠّܶܗ ܗ̄ܰܥܒܳܕ̥̈ܶܐ ܕܣܺܝܡܺܝ ܠܶܗ.
ܘ݄ܡܒܰܪܰܟ̥ ܠܶܗ ܗ̄ܽܘ ܝܰܘܡܳܐ ܕܰܫّܰܒ̥ܥܳܐ ܘ݄ܡܩܰܕܰܫ ܠܶܗ.
Credits:
Designers:
Ammar Yousef
Milad S. Yousef
Gabi Shabo
Translation By
Dr. Abdul Massih Saadi
Narration By
Reem Shamoun
Managers:
Dr. Robby Edo
Akkad Saadi
Mariam Barsom
Script & Vision:
The Young Reader's Bible
Music By:
George Afram
Reviewed By:
Fr. Saliba Abdallah
Produced By:
Rinyo Inc.
Directed By:
Ammar Yousef
Негізгі бет Музыка Creation Story, Ep1: The Beginning, Western Syriac (Surayt/Suryoyo/Turoyo)
Пікірлер