獨家丨何依婷返娘家派餅咭 向樂易玲撒嬌稱往後要演體貼角色
準備喺年底出嫁嘅何依婷Regina,決定喺外地舉行小型婚禮,由於到時未必請到咁多同事去外地見證,所以Regina就準備咗餅咭派畀同事分享喜悅,呢日佢仲返到電視城洗樓式派餅咭,收到大家嘅祝福Regina都好開心呀。
最近Regina喺《新聞女王》入面嘅奸詐演繹令觀眾睇得相當過癮,呢日佢派餅咭畀樂易玲時,樂小姐就搞笑咁話:「做人妻喇,唔好咁惡呀,好奸呀!」Regina聽完都話自己以後要做啲溫柔、善良、體貼嘅角色呀。
Regina就話因為係開心事,所以買餅咭時都特登買多啲返嚟同同事share。講到唔少準夫妻喺籌備婚禮時都會鬧矛盾,但Regina就話朋友教咗佢一個妙計,就係每人喺婚禮上只係專注一件事,但Regina話最後自己冇決定到專注邊一樣嘢,因為佢話自己好多事都可以冇所謂,而老公最重視嘅就係食物同酒水。
對於喺《新聞女王》入面嘅性感演出,Regina就話準老公事前睇過晒劇本,亦知道當中劇情,但就冇阻住佢拍呢啲戲份,Regina又話同未婚夫係互相專重,仲話一開劇就會忙到冇時間報道,所以事前都會畀劇本對方睇,等對方知道自己做緊乜。Regina仲勁冧咁大讚未婚夫非常大方同善解人意,所以唔會禁止佢拍親熱戲呀!
#何依婷 #派餅咭 #囍餅 #報到 #外地婚禮 #新聞女王 #馬國明 #親熱 #大方 #樂易玲 #分享喜悅
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
Негізгі бет Ойын-сауық 獨家丨何依婷返娘家派餅咭 向樂易玲撒嬌稱往後要演體貼角色
Пікірлер: 30