بعد طار النوم عني والسهر جهز عتاده
راح نصف الليل خدي مالمس خد المخده
يعترض قدمي مرد القاف ويقدم افاده
وان بغيت اصد عنه قدم الهاجس مشده
لين صارت كنها الالماس ب اطراف القلاده
في نحر من له ثلاث سنين من ليلة مصده
عسرةً في عين غيري مير هي عندي مقاده
لو يجيها صانع الابداع يطلبها ؟ ترده
تنثني لعيون من يسهر على نهضه بلاده
الملك سلمان مافي بالعرب رجال قده
م عشقت غيره خطيب ولاشتهت ياكود زاده
لو يمد الها من الانعام مايملى الممده
حاكمً لامن فرح يشرح لنا معنى السعاده
وان حزن سالت دموع الناس ف بطون الاخده
لا وقف وقّف معاه الكل من شعب وقياده
وان جلس يجلس لحاله والاودام مستعده
ومن يمينه صاحب الرؤيه وعنوان الرياده
كل مايقدم ب فعل يذّكر العالم ب جده
خلق ل الحمل الثقيل وللسياسة والسيادة
ماتشيل اللي يشيل محمد ظهور الاشده
ينطح العدوان بعزومه وصبره والجلاده
يوم غيره ينطح العدوان ب اسلوب الموده
سد حلق اللي على اهل الشرق ماكف انتقاده
وناوي الشر ارتكى له قبل لايفعل وضده
لين خلى المملكه تاخذ على العالم شهاده
بالتطور والتقدم والرخاء من عقب شده
دام عزك ياوطن وآحظ من مثلك بلاده
لو سموم الصيف فيك تغثنا ماعنك صده
كيف اجل لاذعذع الغربي وهيضنا براده
لو تكاليف السفر بريال والله مانهده
قلتها وانا سعودي وابلغ بقافي مراده
والولاء لـ ال السعود بكل حال وكل مده
فارس بن سلطان
#تحدي #اكسبو_السعودية2030 #اكسبو_الرياض2030 #الرياض #شعر #شيلات #شاهد #طريف #المملكة_العربية_السعودية
Негізгі бет دام عزك ياوطن 2023 💚
Пікірлер: 1