Fëmijët e vegjël priren të pësojnë shpesh aksidente të vogla si rrëzimet apo përplasjet duke qenë se ekuilibri i tyre nuk është i zhvilluar njësoj si të rriturit. Neuropediatrja Migena Kika, e ftuar në emisionin “Shije Shtëpie” e shpjegoi këtë edhe si një çështje disproporcioni. Fëmijët, në vitet e para të jetës, e kanë kokën më të madhe se sa trupin ndaj për shkak të peshës së saj, lartësisë dhe shpejtësisë me të cilën bie, kjo pjesë e trupit dëmtohet më shpesh.
Sigurisht që prindërit shqetësohen në këto raste, por në varësi të llojit të dëmtimit, nevojitet edhe reagimi. Gjëja e parë që duhet të bëjmë, kur ka një shenjë të tillë është të vëzhgohet fëmija në një hark kohor prej 24-48 orë për të parë nëse shfaq ndonjë simptomë shqetësuese.
Migena Kika: E para, nëse do të kemi shenja fizike të jashtme. Nëse fëmija është çarë dhe ka rrjedhje gjaku duhet të shikojmë nëse kjo sasi gjaku që del është e pakët apo është e vogël. Mund të jetë një goditje e vogël, koka është shumë e vaskularizuar dhe nga një e tillë i del shumë gjak fëmijës që ndonjëherë prindërit traumatizohen. Në këto raste, nëse goditja është e vogël dhe nuk kemi shenja të tjera, mund të vendoset diçka e ftohtë ose akull për aq sa e lejon fëmija në atë vend, gjithmonë e mbështjellë. Kjo për arsye se nëse ka çarje të jashtme duhet të jemi të sigurtë që nuk fusim infeksion, pjesa e çarjes është portë infeksioni. Duhet të bëjmë pastrimin rreth e rrotull zonës së gjakut për të parë nëse çarja është e madhe apo e vogël apo kërkon qepje.
Katerina Trungu: Besoj me betadinë?
Migena Kika: Për ta dezinfektuar mirë do të jetë me betadinë, ndonjëherë alkooli djeg shumë ose me ujë të oksigjenuar, i cili është më i rekomandueshëm në këto raste. Duhet të shikojmë nëse kemi edema, pra ënjtje të madhe të zonës në të cilën fëmija ka goditur kokën. Nëse kemi në rastet më ekstreme, ndonjë fryrje të madhe apo dalje kocke sepse mund të kemi fraktura të kockës së kafkës. 1-3% e rasteve të përplasjeve të kokës mund të rezultojë në frakura lineare të kafkës së kokës dhe nga këto, vetëm 1% përvëjnë dëmtimet e moderuara deri në të rënda që mund të kërkojnë ndjekje afatgjatë dhe janë urgjenca, janë raste të rralla.
Mënyra si fëmija po reagon, pra nëse ka një gjendje përgjumjeje që i zgjat shumë kohë. Nëse refuzon ushqimin, nëse është i acaruar, në rastet më të rënda mund të kemi edhe gjendje të humbjes së vetëdijes apo në rastet më të rënda, duhet të vërehet nëse fëmija ka probleme me frymëmarrjen, a ndryshon ritmi.
Një shenjë tjetër kryesore që duhet të kemi parasysh është edhe e vjella. Kjo është një nga shenjat kryesore që vënë re prindërit sepse ndodh në një përqindje shumë të madhe. Mund të mos ketë asnjë shenjë, mund të mos ketë të vjella.
Katerina Trungu: Mund të mos ketë asnjë shenjë, por të ketë të vjella?
Migena Kika: Mund të ketë të vjella. Në fakt, thjesht një e vjellë menjëherë pas goditjes apo disa minuta pas goditjes nuk përbën ndonjë problem shqetësues, mund të ndodhë dhe dëmtimi i kokës nuk lë pasoja afatgjata. Por në qoftë se kemi më shumë se një herë, duhet të jemi të kujdesshëm dhe të kontaktojmë pediatrin ose në rast se shoqërohet me një nga këto shenjat e tjera duhet patjetër të shkojmë menjëherë në urgjencë. Një shenjë tjetër mund të jenë konvulsionet, fëmija në rastet e rënda mund të kalojë një krizë me dridhje, që mund të jetë e shoqëruar me shkumë nga goja apo dridhje të të gjithë trupit.
#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj. #MigenaKika
SUBSCRIBE to “RTV KLAN” on KZitem for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog... #Receta#ZonjaVjollca#KaterinaTrungu
Негізгі бет Dëmtimet e kokës te fëmijët, çfarë duhet të vëzhgojnë prindërit kur ata rrëzohen
Пікірлер: 1