第四次經蓮塘過關踩單車,今天行程計劃由蓮塘踩單車去深圳灣公園的深圳灣大橋,全程約莫30-32公里(居然無開碼錶做紀錄),踩車時間大約3.5小時左右,連停頓及午餐後再踩大約用左5.5小時左右。
講番今次行程,先係口岸食完早餐後約於10:45開始踩,中途11:50左右係荔枝公園停頓左一陣,之後繼續向西前行,經過好多市區道路,車程大約20多公里之後大約係下午1:30到達深圳歡樂海岸OCT Harbour食個午餐,午餐之後大約3:00出發踩去深圳灣大橋底,最終係深圳灣運動公園完成離開,大約下午4:15踩到去深圳地鐵灣廈站,坐地鐵2號線(8號線)不用轉乘一小時左右直接回到蓮塘口岸,過關前去了趙記食糖水完美結束一日既踩車行程,返到香港大約都只係晚上7點幾,可以同家人食晚飯分享今日既行程。
10:45蓮塘口岸
11:50 荔枝公園
13:30 歡樂海岸-午餐 (20公里)
15:00 - 16:00深圳灣公園海岸 (10公里)
16:15 地鐵灣廈站
17:20 蓮塘口岸
詳細行程:早一日香港仲係落住紅雨,大家都十分猶豫,商量後決定照舊出發,最後當天深圳一滴雨水都沒有,十分幸運。早上8:30左右沙田集合,9:30左右香園圍過關,過關後係蓮塘口岸食左個港式早餐,掛住傾計最後差不多10:45先開始出發。
蓮塘口岸出去轉向左邊出發,先順著羅沙路向西行,依照高德地圖指引,目的係先尋找深南大道前進,先沿著羅沙路行,經過左深圳古玩城,係盡頭過馬路上一條高架天橋,係一條公路旁邊間出一條幾好踩既單車徑。落左橋過馬路就沿著呢條深南東路一路向西邊進發踩車前行。
沿著深南東路前行,經過羅湖商務中心及東門町歡樂城,好快就經過大劇阮站,轉右行一小段紅岭南路過馬路,就進入對面城市陸洲般的荔枝公園。荔枝公園的攬月橋很優美,係荔枝公園既邀月亭停留期間與當地來自寶安區既叔伯嬸嬸閒聊左片刻,之後繼續出發,穿越荔枝公園出番去荔香街,左轉入同心路,盡處接入回深南中路,就超著地圖指引繼續向西邊進發,單車路亦漸見寬闊好踩。
輾轉進入左紅荔路,經過左深圳中心公園門前的大型金色雕塑,一直前行又經過左蓮花山公園南邊既關山月美術館,再過左少年宮站(多年前間中都會來此書城買書),之後往南走接回深南大道,繼續往西,不一會就到達香蜜湖站及經過車公廟站附近的東海花園,再往前行就經過竹子林站。之後向南行沿著紅樹林路進入到福田紅樹林自然保護區範圍,轉右接入濱海大道,呢段路徑既寬闊人又少非常好踩,右邊係紅樹林管理局,只要一直往西向前踩,大約下午1:20,就到達深圳灣公園起點附近的深圳歡樂海岸OCT Harbour,此時共踩了大約20公里。
到達深圳灣公園地鐵站,朋友先歸還美團組的共享單車,決定在深圳歡樂海岸OCT Harbour食個午餐醫肚。選了間陝西風味大碗會,按十大必吃叫了個蕃茄醬波菜麵再加個Strawberry凍乳酪,既豐富又好味。
午餐後大約3:00出發,過隧道往深圳灣公園海岸邊進發,沿著海邊踩著單車非常輕鬆逍遙自在,全程大約10公里。一直朝向深圳灣大橋進發,對出就係后海灣(深圳灣),前行經過大沙河水流澎湃流出大海,好快就見到大運會火炬塔紀念廣場,對面就係深圳灣體育中心。再踩不久深圳灣大橋就盡入眼簾,快快進入觀橋公園欣賞美麗既深圳灣大橋先,都影左唔少相。
由於朋友要趕回香港參加飲宴,最終決定係深圳灣運動公園完成結束,由運動公園出口進入南山中心路,左轉蛇口新街,再右轉入后海濱路,大約下午4:15就踩到去地鐵2號線(8號線)的灣廈站,坐地鐵不用轉乘大約一小時左右直接回到蓮塘口岸,過關前下午5:30去了口岸旁商場既趙記食番個糖水完美結束一日既踩車行程,回到香港大約都只係晚上7點幾,可以同家人食晚飯分享今日既行程。
音樂 Music by Bensound
License code: ZWNCRLXZ1VEBLZEG
Негізгі бет Спорт 單車記44|蓮塘去深圳灣大橋|全程拍攝|深南路|荔枝公園|紅荔路|濱海大道|歡樂海岸|深圳灣運動公園|Bromption小布
Пікірлер