Dünya gözəli ol, tayın olmasın.
Elə gördüyünə axdınsa heç nə.
Ömrün mənasına, eşqə, həyata.
Kef-damaq gözüylə baxdınsa heç nə!
____________________________
Şübhən olmasın ki, dost bilsən zayı.
Sanacaq səni də özünün tayı.
Etdiyin hörməti, verdiyin payı.
Danışdın, başlara qalxdınsa heç nə!
___________________________
Yaxşıdır yemək də, sağlıq deməkdə.
Ancaq səadəti axtar əməkdə.
Enişdə-yoxuşda, dosta koməkdə.
Sivişdin aradan çıxdınsa heç nə!
____________________________
Duyan olmasa da bal elə baldır.
Zor ilə ad almaq bir xam xəyaldır.
Kişinin adını hörmət ucaldır.
Ayağa qalxanı yıxdınsa heç nə!
__________________________
Rasim ara-axtar söz, adın üçün.
Gəzsin hər diyarda göz, adın üçün.
Öz xeyrin, öz bəhrən, öz adın üçün.
Özgəni yandırıb yaxdınsa heç nə!
_________________________
Rasim Kərimli (Tovuz)
1932-ci ildə Tovuzun Düzqırıxlı kəndində doğulub.
Негізгі бет Dünya gözəli ol. Müəllif Rasim Kərimli
No video
Пікірлер: 96