Çaytikanı yağı nədir?
Bu gün çaytikanı yağı 100% seyrəldilməmiş və ya təmiz yağ kimi geniş yayılmışdır. Dəri üçün nəzərdə tutulmuş məhsullarda 5-50% arasında çaytikani yağı mövcuddur.
Çaytikanı yağı, müəyyən bakteriya, virus və göbələkləri öldürdüyü sübut edilmiş bir sıra birləşmələri ehtiva edir. İnsanlar sızanaq, dırnaq göbələyi üçün çaytikanı yağından istifadə edirlər. Çaytikanı yağı, həmçinin kəpək,bit,ağız qoxusu və digər problemlər üçün istifadə olunur.
Çaytikanı yağı həmçinin mikroblara və digər zərərvericilərə qarşı mübarizədə kömək edən ağ qan hüceyrələrinin fəaliyyətini artırır.
Bu mikroblarla mübarizə xüsusiyyətləri çaytikanı yağını bakterial və göbələk dəri xəstəliklərini müalicə etmək, infeksiyanın qarşısını almaq və sağalmanı təmin etmək üçün qiymətli təbii vasitə halına gətirir.
Çaytikani yağının dəriyə faydaları.
Quru dəri və ekzema üçün çaytikanı istifadəsi.
Çaytikanı qaşınma və qıcıqlanmanı azaltmaqla quru dərini sakitləşdirməyə kömək edə bilər.
İstifadə qaydası: Bir neçə damcı çaytikanı yağını az miqdarda nəmləndirici və ya daşıyıcı yağa qarışdırın.Bu qarışığı duşdan çıxdıqdan dərhal sonra və gündə ən azı bir dəfə təsirlənmiş nahiyələrə çəkin.
Çaytikanı yağının üzə faydası.
Çaytikanı yağının antiseptik xüsusiyyətləri onun yağlı dəri ilə mübarizə qabiliyyətinə kömək edə bilər.2016-cı ildə aparılan kiçik bir araşdırma,30 gün ərzində çaytikanı yağı ehtiva edən günəş kremindən istifadə edən iştirakçıların yağlılığın yaxşılaşdığını göstərdi.Bu o deməkdir ki,çaytikanı yağının üzə faydası təsdiqlənmiş bir faktdır.
İstifadə qaydası: Tonik,nəmləndirici və ya günəş kreminizə bir neçə damcı çaytikanı yağını töküb qarışdırın.Maska hazırlamaq üçün bentonit gilinə iki damcı çaytikanı yağı əlavə edə bilərsiniz.
Qaşıntılı dəri üçün çaytikanı yağının istifadəsi.
Çaytikanı yağı dərinin qaşınması narahatlığını aradan qaldırmaqda faydalı edir.Dərini sakitləşdirir və həmçinin dəri qaşınmasına səbəb olan infeksiyaların sağalmasına kömək edə bilər.
İstifadə qaydası: Bir neçə damcı çaytikanı yağını nəmləndirici və ya daşıyıcı yağa qarışdırın və gündə bir neçə dəfə dərinizə çəkin.
İltihab üçün çaytikanı istifadəsi.
Çaytikanı yağının iltihab əleyhinə təsiri ağrılı və qıcıqlanmış dərini sakitləşdirməyə və iltihabı aradan qaldırmağa kömək edir.Çaytikanı yağı,həmçinin qızartı və şişkinliyi azaltmağa kömək edə bilər.
İstifadə qaydası: Daşıyıcı yağa və ya nəmləndiriciyə 1 damcı çaytikanı yağı əlavə edin və gündə bir neçə dəfə təsirlənmiş bölgəyə çəkin.
İnfeksiyalar, kəsiklər və yaraların sağalması üçün çaytikanı istifadəsi.
Çaytikanı yağının antibakterial xüsusiyyətləri onu effektiv yarasağaldıcı edir.
Saç və baş dərisinin müalicəsi üçün çaytikanı yağının istifadəsi.
Çaytikanı yağının saça faydalarını saymaqla bitməz.Baş dərisindən kimyəvi maddələri və ölü dəri hüceyrələrini çıxararaq kəpəyi müalicə etmək üçün çaytikanı yağından istifadə edə bilərsiniz.Çaytikanı yağını saçlarınızda istifadə edərək saçlarınızın sağlam və nəmli qalmasına,optimal böyüməsinə köməklik göstərə bilərsiniz.
İstifadə qaydası: Çaytikanı yağı və daşıyıcı yağ qarışığını saçınıza və baş dərinizə çəkin.Saçınızda 20 dəqiqə qalmasına icazə verin.Sonra 5 faiz çaytikanı yağı ehtiva edən çaytikanı yağı şampundan istifadə edin.Yuyulmazdan əvvəl bir neçə dəqiqə baş dərinizə və saçınıza masaj edin.
Sızanaq üçün çaytikanı yağının istifadəsi.
Çaytikanı yağı iltihab əleyhinə xüsusiyyətlərinə görə sızanaqların müalicəsi üçün məşhur seçimdir.Qızartı,şişkinlik və iltihabı sakitləşdirdiyi düşünülür.Çaytikanı yağı sızanaq izlərinin dəridən təmizlənməsinə də kömək edir.
Çaytikanı yağı burun üçün.
Qrip, soyuqdəymə, öskürək, bronxit və burun axıntısı kimi problemlərlə mübarizə aparmaq üçün çaytikanı yağı ilə buxar vannası qəbul etmək məqsədə uyğundur. Buxar hamamı üçün qaynadılmış suyu böyük bir qaba tökün və üzərinə 5-6 damcı çaytikanı yağı əlavə edin.
Çaytikanı yağı babasil üçün.
Çaytikanı yağının əlavə təsirləri & çaytikanı yağının zərərləri.
Çaytikanı yağı yerli olaraq istifadə edildikdə ümumiyyətlə təhlükəsiz sayılır və adətən yan təsirlərə səbəb olmur.Ancaq həssas dəriniz varsa,çaytikanı yağına qarşı reaksiya verə bilərsiniz.
Çay tikanı yağını gözlərinizdən, kontakt linzalardan, burnunuzun içindən və dərinizin həssas yerlərindən uzaq tutun.
Unutmayın ki, çaytikanı yağı istehlak edilməməlidir və ağız sağlamlığı üçün istifadə edirsinizsə, heç bir damlasının udulmaması üçün onu tüpürmək lazımdır.5 faizdən 10 faizə qədər konsentrasiyada istifadə edildikdə, normal olaraq allergiyaya və ya dəri səpgilərinə səbəb olmur, lakin daha güclü konsentrasiyanın dermatit reaksiyalarına səbəb olduğu bildirilmişdir.
Çaytikanı yağı alarkən həmişə 100 faiz təmiz çaytikanı yağı axtarın.İdeal olaraq müalicəvi dərəcəli və üzvi yağ axtarın.
İşıq, istilik, havaya və nəmə məruz qalma çaytikanı yağlarının yağ sabitliyinə təsir edir. Ona görə də yağınızı qaranlıq, sərin, quru şəraitdə şüşə qabda saxlayın.
Негізгі бет Dərman bitkilərinin şahzadəsi - ÇAYTİKANI YAĞININ FAYDALARI
Пікірлер: 8