馬國明向傳媒坦承與黃心穎分手,二人回復朋友關係,今日是他分手後首次見人,下午出席商場活動。馬明心情看來不錯,對傳媒有備而來,不斷在重複相關答案,但拒回答跟黃心穎有否聯絡、去向及復合等問題。
馬明接受訪問時不斷冒汗,不時要用紙巾抹汗。追問他現在變回單身「筍盤」?他說:「其實我無乜講到啲乜嘢,總之我控制唔到報紙雜誌的標題,但我成日都想講,我哋都仲係朋友,希望大家畀個機會佢(指黃心穎),我覺得都鬧夠,大家反應有少少過敏咗,始終係感情事。(還是很幫她?)都覺得夠,是感情事,每個人都會犯錯,件事無謂鬧得咁過激。(她有無聯絡你?)唔講,再答只會愈來愈問得多,我都無嘢再答。(知否她的去向?)真係無嘢答,其實我都唔可以代表人哋答嘢。」
至於二人是朋友關係還是男女朋友關係?馬明表明沒什麼回答,不明白大家將界線畫得如此細,一定要某一些問題,重申他真的沒什麼可講。提到二人有否見面,馬明說:「你都知佢喺邊,報紙都寫佢去第二度讀書。(不想多講是想幫她盡快回來工作?)唔係幫,覺得件事是大家反應過激,網民有點反應過激,始終是感情事,大家settle咗無事,我都可以同佢繼續係朋友,點解大家反應過激呢?(想畀機會她回來幕前工作?)又唔係,總之大家唔需要啄住佢嚟鬧,件事都過咗咁耐,佢都知錯,之前我第一次回應都講咗,佢仲後生,仲有好多條路要行,大家無謂喺呢件事上周旋,喺度啄住佢。」
馬明再三強調心穎不是殺父仇人,只是大家反應過激,況且事情已過去,不會嬲對方。問他是否再見亦是朋友?他表示:「由始至終我哋都係朋友,唔會因為呢件事有咩影響,大家仲係朋友,所以大家唔需要咁激動,無必要做唔到朋友…每個人都會錯,點解唔可以畀個機會。(ready接受一段新戀情?)我唔答,唔答呢啲,無話ready唔ready。(若果她要求復合?)呢啲假設性問題唔答。(你個傷口已好番?)其實我第一次都答咗,嬲個段時間好短,人誰無過呢。」
我們獨立採訪,追蹤城中熱話,深度報道時事專題,緊貼生活每一天!
明報新聞APP已經升級:onelink.to/mpnews
明報即時新聞網 inews.mingpao.com/
明報新聞網 news.mingpao.com/
請Like我們的FB專頁,你的支持是我們最大動力!
/ mingpaoinews
Негізгі бет 【都鬧夠喇】分手後仍維護黃心穎 馬國明:畀個機會佢
Пікірлер: 20