الحياة تعلم الانسان ويكابدها
من بداية مولده حتى يحين غيابه
البحور يعومها وارض الله يمهدها
من حماسه كل يوم يحث فيها اركابه
توصله قطب الشمال وتوصله فرقدها
بين زخرفها وبين بروقها الجذابه
كان جاته مقبله مدت نواعم يدها
وكان راحت مقفيه بيتاً مقفل بابه
وكل شيّ له ضريبه لازم يسددها
كل فاتورة من ايامه بقيد حسابه
المصايب بنتها اللي تفرح بمولدها
ماسلم منها الرسول المصطفى واصحابه
والعوافي نعمة عظمى كسب حامدها
لو مايلقى الا لحافً من سمول ثيابه
مايحس بفقدها الا واحداً فاقدها
شي لايشرى ولايوخذ جبر ونهابه
وكل شياً زايل الا سجدةً يسجدها
وسمعة بيضاء تكرم لحيته واشنابه
وجعل حظي كل عيطاً زاهيه يبجدها
دعوة مصلي بثلث الليل في محرابه
وجعلني مازعل اصحابي ولانقدها
يفرح الشاعر بجمهوره وطيب احبابه
فرحةٍ هيض القصيد الجزل ماجسدها
تحبس الانفاس حبس الدمع تحت اهدابه
الصحيح ينور العتمات ويبددها
نوره يفج الظلام ويقشعه بحجابه
وجعلني لاقالوا الجمهور عدها عدها
ماهرج بالهرجه اللي تنقد اللعابه
كل هرجه مالها فعل جهر يسندها
بيت رفلا روحت ريح الصبا باطنابه
والله اني ماانطق الهزله ولااوردها
اي شياً فيه روح الناقصه ماارضابه
الحميا في عروقي بيناً شاهدها
للصديق وللبعيد وللعداء واللابه
فاللزوم اسد واحمي لابتي واسعدها
والله اني دونهم راسي عليه عصابه
افتخر في امجادها وافخر وانا امجدها
مجدها يوصلني المريخ يوم ارقابه
ان وقفت اقوم الدنيا ولاقعدها
وكان غبت اشغلت هم الكتب والكتابه
#تركي_الميزاني
سنابنا ksa2090
انستقرام @T_2000as
تويتر ksa2090 223355
Негізгі бет دعوة مصلي ♦️كلمات
Пікірлер: 466