या पद्धतीने पालकची भाजी बनवाल तर सर्वजण आवडीने खात राहतील कारण बहुदा सर्वच मंडळी पालेभाज्या म्हटलं कि नाकं मुरडतात.
साहित्य - २ ताज्या पालकच्या जुड्या, २ कांदे उभे काप केलेले, ८० ग्रॅम ६ तास भिजवलेली चण्याची डाळ, ५० ग्रॅम ओल्या नारळाचा खीस, २ हिरव्या मिरच्या बारीक चिरलेल्या, १०/१२ कडीपत्त्याची पाने, घरगुती लाल मसाला २½ tblsp, ½ tblsp हळद, ½ tblsp राई, ½ tblsp जिरे, चिमूटभर हिंग, ७/८ tblsp तेल आणि चवीनुसार मीठ.
कृती - प्रथम पालक स्वच्छ धुवून घ्यावा आणि बारीक चिरून घ्यावा. आता एका पातेल्यात तेल गरम करून त्यात राई जिरे घालावे. राई जिरे तडतडू लागले कि त्यात मिर्ची, कडीपत्ता, कांदा आणि हिंग घालून छान फोडणी तयार करून घ्यावी. कांदा लालसर रंगापर्यंत परतून झाल्यावर त्यात घरगुती लाल मसाला आणि हळद घालावी. मिश्रण परतून घ्यावे. आता यात चिरलेला पालक थोडा थोडा करून घालावा आणि सोबत भिजवलेली चणा डाळ घालावी. सर्व मिश्रण चांगले एकजीव करून घ्यावे. आता वर झाकण ठेवून त्यावर अर्धी वाटीभर पाणी घालून ५ मिनिटे वाफ काढावी. ५ मिनिटानंतर झाकण उघडून मिश्रण परतून घ्यावे. पुन्हा झाकण ठेवून आता १० मिनिटे वाफ काढावी. १० मिनिटानंतर पुन्हा मिश्रण एकजीव करून त्यात आता ओल्या नारळाचा खीस आणि आपल्या चवीनुसार मीठ घालून एकजीव करावे. आता वर झाकण ठेवून शेवटची ५ मिनिटे वाफ काढावी. ५ मिनिटानंतर गॅस बंद करावा आणि चणाडाळ पालकची भाजी गरमागरम चपाती किंव्हा भाकरी सोबत वाढावी. धन्यवाद !
Негізгі бет Dal Palak Sukhi Sabzi | या पद्धतीने पालकची भाजी बनवाल तर सर्वजण आवडीने खात राहतील
Пікірлер: 126