"Your father was looking for you last night. Gusto ka niyang makausap..." wika ng ina bago tipid na ngumiti sa kanya.
"Pakisabi kay Papa na wala siyang dapat ipag-alala dahil magpapakasal ako sa anak ng business partner niya," sagot ni Ella sa ina.
Nakita ni Ella ang pagbuntong-hininga ng ina. "I'm sorry, hija. Kung may ibang paraan lang para maisalba ang negosyo natin," sambit nito kasabay ng paghawak sa braso ng dalaga.
"It's okay, Ma. I've already come to terms with it," sagot ni Ella sa ina bago tipid na ngumiti rito. Sa puntong iyon ay tanggap na ni Ella ang kapalaran niya.
Ngumiti sa kanya ang ina. "Thank you for saving our business, hija. We're truly grateful for having a daughter like you," pasasalamat ng ina. "Huwag kang mag-alala, ipinangako ng Papa mo na mabuting lalaki ang mapapangasawa mo at aalagaan ka."
"I hope so, too, Ma," mahinang sagot ni Ella sa ina.
Wala sa telenovela o nobela si Ella kaya hindi siya umaasa na magkakagustuhan sila ni Manuel Salvatore at mahuhulog sa isa't-isa. Ang tanging hinihiling lang niya ay magkasundo sana sila ng lalaking mapapangasawa upang maging madali ang pagsasama nila.
Kinabukasan ng gabi ay naunang dumating si Ella sa restaurant kung saan nakatakdang magkita ang dalaga at ang lalaking pakakasalan.
Wala pa roon si Manuel Salvatore, maging ang ama nitong si Don Arturo at ang mga magulang ng dalaga.
Abala si Ella sa pagbabasa sa text na ipinadala ng kaibigang si Hazel nang isang tikhim ang kumuha ng atensyon ng dalaga. Nag-angat si Ella ng tingin. Ganoon na lang ang pagkamangha ng dalaga nang sumalubong sa kanya ang mukha ng estrangherong nakasama niya noong nagdaang gabi.
Sa pagkakataong iyon ay nakasuot ng pormal na long sleeve at slacks ang binata. His slightly disheveled hair from that night was properly combed right now. Kung guwapo ito noong gabing nakasama niya ito ay mas lalo pa itong gumuwapo sa ayos nito nang mga sandaling iyon.
"Anong ginagawa mo rito?" nagawang itanong ni Ella sa kaharap pagkatapos niyang makabawi sa pagkabigla.
"Sorry for making you wait, Miss Florencio," nakangiting sagot ng lalaki bago nito inokupa ang bakanteng upuan sa harap ng dalaga.
"Teka... bakit mo alam ang pangalan ko, at bakit ka naupo dyan?" puno ng pagtatakang tanong ni Ella. Akma pang magsasalita ang dalaga nang may bigla siyang mapagtanto habang nakatingin sa lalaki. "Teka... huwag mong sabihing... ikaw si Manuel Salvatore?" mahina at tila walang lakas na tanong ni Ella sa kaharap.
"You're right, Miss Ella Florencio," nakaangat ang isang sulok ng labi na sagot nito sa kanya. "By the way, just call me Manny," ani pa nito bago naglahad ng kamay sa kanya.
#kwentongpagibig
#lovestory
#pagmamahal
Негізгі бет DALAGA, NAGULANTANG SA NALAMAN, ANG FUTURE HUSBAND NIYA AT NAKILALA SA ISANG BAR AY IISANG TAO PALA
Пікірлер: 123