“Danki Señor pa tur loke Bo ta hasi” kantá pa muchanan ku a partisipá na Mini Vacation Bible Week 2019.
Muchanan di Parokia La Birgen del Carmen ku a partisipá na Mini Vacation Bible Week 2019 e aña aki a reuní na Willemstad Resort na Otrobanda. Tema di e Enkuentro aki tabata: El a batisá mi ku awa. Nan a keda di 18 te ku 21 di yüli 2019 na e resort.
Durante dia nan ta tin hopi aktividat ku un toke Religioso i Bíbliko. Nan a baila Zumba, hunga Bon Kuné Reigioso, dinámika, traha i fѐrf garoshi i navegá boto den pisina, Arka di Noe trahá pa nan mes, Tambe ta tin pustamentu ku garoshi ku nan a traha, landamentu den pisina di e resort i varios otro aktividat mas.
Djasabra 20 di yüli anochi nan ta tin “Bonte Avond” ku Barbeque na Patio di e resort huntu ku mayornan i kada grupo a hasi un presentashon.
Djadumingu 21 di yüli 2019 nan a klousurá Bible Week ku un Santa Eukaristía presidí pa Rev. Raul for di Bonaire na Parokia di Santa Famía.
Parokia La Birgen del Carmen, Groot Kwartier, Kòrsou, ta bou di enkargo di Rev. Oscar Cuellar Renteria.
Негізгі бет Danki Señor pa tur loke Bo ta hasi - Mini Vacation Bible Week 2019
No video
Пікірлер