Қазақстандық балуан Демеу Жадыраев Париж Олимпиадасына жолдама алды. Ол Бішкектегі Азия аймақтық іріктеу турнирінде Оңтүстік Корея балуанынан басым түсті. Аталған турнирге 77 келі салмақта 9 спортшы ғана қатысты. Бұл ретте Демеу Жадыраев алғашқы белдесуін Түркіменстан өкілі Базаргелді Езимовке қарсы өткізіп, 9:0 есебімен жеңіске жетті. Ал шешуші белдесуде корей спортшысы До Во Лиден 5:2 есебімен басым түсті. Бұған дейін Жадыраев 2020 жылы да Олимпиадаға қатысқан еді. Балуанның қоржынында бүгінде Әлем чемпионаты мен Азия чемпионатының күміс және қола медалі бар.
Негізгі бет Демеу Жадыраев Париж Олимпиадасына жолдама алды
Пікірлер