Bu gün Gəncədə Vətən müharibəsi şəhidi Məmmədov Oqtay Namiq oğlunun doğum günü qeyd edilib.
Milli Məclisin detutatı Naqif Həmzəyev, Yeni Azərbaycan Partiyası Gəncə şəhər təşkilatının əməkdaşları, şəhidin ailə üzvləri və şəhər ictimaiyyəti Gəncə şəhərində yerləşən Şəhidlər Xiyabanına gələrək Vətən müharibəsində qəhrəmanlıqla döyüşərək şəhidlik zirvəsinə ucalan Məmmədov Oqtay Namiq oğlunun məzarını ziyarət edib, önünə tər çiçəklər düzüblər.
Azərbaycanın bütövlüyü uğrunda canından keçmiş bütün şəhidlərimizin əziz xatirəsini bir dəqiqəlik sükutla yad edən mərasim iştirakçıları şəhidimizin keçdiyi döyüş yolundan danışıb, göstərdiyi şücaət və qəhrəmanlıqlardan söz açıblar.
Qeyd edək ki, Məmmədov Oqtay Namiq oğlu 1 yanvar 1994-cü ildə Gəncə şəhərində doğulub. O, Ana Vətənin ərazi bütövlüyü və işğal altında olan torpaqlarımızın azadlığı uğrunda vuruşub. Füzuli rayonu və Şuşa şəhəri uğrunda gedən döyüşlərdə qəhrəmanlıqla iştirak edən Oktay 8 noyabr 2020-ci il tarixində Xankəndi istiqamətində gedən döyüşdə şəhidlik zirvəsinə ucalib.
Məmmədov Oqtay Azərbaycan Respublikası Prezidentinin müvafiq Sərəncamları ilə ölümündən sonra “Vətən uğrunda”, “Cəsur döyüşçü”, “Şuşanın azad olunmasına görə” medalları ilə təltif olunub.
Yaşasaydı bu gün 28 yaşı tamam olacaqdı.
Daha sonra millət vəkili Naqif Həmzəyev Azərbaycanın bütövlüyü uğrunda canından keçmiş şəhidlərimizin məzarlanı ziyarət edib, önlərinə çiçəklər düzüb.
Негізгі бет Deputat Naqif Həmzəyev Gəncədə şəhid Oktay Məmmədovun məzarını ziyarət edib
Пікірлер: 1