Der Wienachtszouber
Text, Musik und Arrangement: Annika Guy
Mitwirkende: Chor und Orchester der Thunerseespiele unter der Leitung von Iwan Wassilevski
Choreinstudierung: Ben Vatter und Iwan Wassilevski
Ton: audiopool
Kamera und Schnitt: Alfred & Hanspeter Schüpbach
Produktion: Thunerseespiele
Uraufführung am Konzert „Musical & Christmas“ im KK Thun, 16.12.2023
Lyrics:
Str.1
Es schmöckt nach Manderindli, es tröimen all vo Schnee,
a de Fänschter lüüchte Stärne, es wärden immer meh.
Chinder lehren ihri Värsli für e Samichlous
u baschtle Gschänk für ds Wienachtsfescht.
Str.2
Itz wärde d Tage chürzer, es wyters Jahr geit z änd.
Alli juflen u stresse, niemer het Zyt, s sy all uf der Suechi nach Gschänk.
Zum online bstellen isch es scho z spät, zum Glück git’s der Sunntigsverchouf.
Zmitts im Lärme wird i still u Bilder touchen uuf:
Wo chunt sie här, di Nostalgie?
Refr.
Mir alli sueche ds Glück, won is die Zyt verspricht:
Geborgeheit, Verbundeheit, es Stückli heili Wält.
Mir plange nach däm Glück, won is die Zyt verspricht:
Dä bsundrig Wienachtszouber, won is im Härz berüert.
Str.3
Wo hei mer ne verlore, der eiget Samichlous
u wi finde mir di Spure, won är het hinderlah?
Wenn sy si verschwunden, all di Tröim wo mir hei gha?
Was isch’s, wo üs no hütt bewegt?
Bridge
Sehnsucht nach Liebi, Sehnsucht nach Läbe,
Sehnsucht nach Stilli, Sehnsucht nach Zyt.
Sehnsucht nach Freiheit, Sehnsucht nach Fride,
Sehnsucht nach Heimat, nach Halt.
Негізгі бет Ойын-сауық Der Wienachtszouber
Пікірлер: 1