ايه اللي حيحصل لما النرجسي يعرف انك عارفة انه نرجسي ؟
شوفي هم عارفين انهم بيغلطوا وان تصرفاتهم بتعمل مشاكل للي حواليهم لكن طول الوقت يبرروا لنفسهم التصرفات دي مرة بالاحقية والاستحقاق ومرة بالضعف ومش قادر يبطل ومرة بان انتي السبب واغلب المرات انتي السبب طبعا .
انتي بقى لما عرفتي رحتي قلتي له انك عرفتي انه نرجسي وانه مضطرب ولازم يتعالج وممكن تعرضي عليه توديه لدكتور دة لو انتي فضلتي قادرة تقولي حاجة اصلا بعد رد فعله المبدأي ، او تروحي بهدوء وحنية تقولي له تعالى انا عرفت ان وضعك كدة كدة ، كل دة سواء انفجرتي او بالراحة ملوش غير رد فعل واحد ، طبعا الرفض وكل نرجسي حيكون له طريقته في الرفض دة من اول الطلاق لحد السخرية والاستهزاء مرورا بالغضب النرجسي والضرب والشتم والجاسلايتينج واسقاط النرجسية عليكي وصولا للاستهزاء في الرايحة والجاية آل نرجسي آل دا انتي واهلك .
طيب نشوف الكلام دة بالتفصيل حيحصل ازاي وليه حيحصل بالطريقة دي
اول حاجة حتحصل انه حيبدأ يهينك ويهين اهلك وقرايبك واصحابك ويبدأ يصعد ويسخر من القيم المهمة في حياتك ، شغلك ثقافتك شخصك ، نفسك وهواياتك يعني حيحاول يعمل هدم سريع وقاسي جدا وممكن يوصل للضرب اثناء الغضب النرجسي طب ليه دة كله ليه رد الفعل العنيف دة ؟ اذا النرجسي عرف انه وصل شويكه لنقطة النهاية بينشط الاحساس بالعار عنده والفشل انه مقدرش يحافظ على الشريك دة وخاصة ان الشريك بيكون غالبا مثالي والنرجسي بيكون عارف ومدرك دة كويس جدا ، (عندي حالة زوجها نرجسي خفي ، لما عرفت مواجهتوش ولا اي كلمة لكن وقفت تتأثر بيه تماما وبدأت تبين انها مش بتتأثر بأي اسلوب من اساليب التلاعب وكان عندها ثبات انفعالي رهيب هز النرجسي جدا وكان دايما قبل كدة يهددها بالطلاق وطبعا هي بعد اللي عرفته عايزة تطلق فعلا فلما حس انها فهمته بدأ يعمل ردود الافعال اللي قلتها دي وطبعا يهددها بالطلاق وهي مسكت في الكلمة وتمسكت بيها واصرت ع الطلاق وهو فورا تراجع وبدأ يهدي وفي اثناء التهدئة وفي عز احساسه بالفشل لانه وصل شريكته لنقطة النهاية بالرغم من انها كانت مثالية معاه قال لها جملة عجيبة جدا بتعبر عن وضعها معاه وطبعا دة كان اسقاط ، قال لها ايه ؟ اشتكى لها من صاحب العمل اللي هو بيشتغل عنده انه ضاغط عليه في الشغل وانه بيحمله فوق طاقته وبدأ يكرهه في شغله اللي هو محور حياته وخبه الاول والاخير وقال لها انا مش عارف هو بيعمل ليه كدة معايا ليه بيحط رجله على رقبتي دا انا كنت بديه كل حاجة وبحب انا كنت متفاني معاه وبشتغل بمنتهى الحب والاخلاص انا مش عارف هو بيعمل معايا ليه كدة هو ليه بيرفص النعمة وبكى ) طبعا واضح جدا انه اسقط وضعه بالكامل على صاحب العمل خصوصا ان هي بتقول العمل زي ماهو من يوم ماعرفته والى الآن وصاحب العمل لم يتغير ولا اي حاجة حصلت واختفت المشكلة بدون مقدمات زي ماظهرت بدون مقدمات ، فهو فعلا حس بالفشل والكارثة اللي وصل لها لكن مقدرش يواجه ولا يصحح ولا يعترف فجهازه النفسي عمل الاسقاط دة عشان يحميه من الخطر اللي بيواجهه ، وفي نفس الوقت خدي بالك ان الله يشف صدور قوم مؤمنين ، يعني انتي او هي لو مفهمتوش انه اسقاط وانه حاسس انه ضيع نفسه لكن حتحسي ان اللي عمله فيكي اتعمل فيه وبكى لكي انتي مراحش يبكي لحد تاني ولا يسقط ادام حد تاني ، دة عشان ربنا يبرد نار القلب ويشف صدور قوم مؤمنين .
طيب لو صمدتي في الوضع دة ومهربتيش ؟حيبدأ في النزول زي ماشفنا كدة في الحالة دي وبعدين حيحاول يعمل هوفرينج ودة ليه بقى ليه عايز يحافظ عليكي اذا حاول يعني؟ اما عشان يرجعك وينتقم منك اول مايحس انك قبلتيه او لانه عايز ميفقدكيش لان حيفقد السيطرة عليكي ودي مشكلة كبيرة عند النرجسي ، هو عايز يسيطر عليكي وعلى اي طرف في العلاقة طبعا اولادك ، وعايز يسيطر على شكل الصورة ادام الناس ويسيطر على الوقود ، فهو حيحاول يسيطر عليكي اكتر بأي طريقة وكل مايفشل حيعمل غضب نرجسي ، لحد مايزهق ويبطل او يروح يشوف مصدر تاني ، عشان كدة اللي عايزة تعيش تديه احساس انه مسيطر في حاجات وحاجات تانية لا ، بذكائك حتعرفي تلعبي بيه
طبعا اذا عرفتي ومقلتيش بس اتغيرتي حيبدأ يلاحظ التغير وحيبدأ يتسائل ويسألك مالك متغيرة ليه وطبعا انتي مفروض متاكليش من الكلام وتروحي تقولي لانك حتفتحي على نفسك النار زي ماقلت لك ، طالما ناوية تعيشي يبقى متعرفيهوش وكملي بس اتعاملي بحكمة وذكاء
اكونت الفيس بوك
facebook.com/profile.php?id=100008051807381
جروب ادرس عدوك النرجسي
facebook.com/groups/kawthersanad11
Негізгі бет Фильм және анимация ده اللي هيعمله النرجسي بالتفصيل لما تقوليله انك اكتشفتي انه نرجسي ... كوثر سند
Пікірлер: 206