«Бұлбұл» Бұл күйде Динаның өзіндік орындаушылық стилі бар екендігі көпшілік деректерде кездеседі. А.Жұбанов: «Оның домбыра тартуы ерекше болатын. Соның нәтижесінде Бапасқа еліктеп шығарған - «Бұлбұл» күйі, Бапастың «Бұлбұл» күйінен мүлдем ерекше болып шыққан. Оның мазмұны да, құрылысы да Бапастың күйінен өзгеше. Ал екеуінің де тақырыбы, алдына қойған мақсаты бiр еді. Динаның күйінде бұлбұлдың сайрауы дәл берілген», дейді. Бұл орайда Дәулеткерейдің аталмыш күйінің екі нұсқасы жеткенін және әсіресе бірінші нұсқасының әуен сазы, кейбір тұста иірімдік, ырғақтық жүйесі Дина күйіне өте жақын деп айтуға болады. Осы күйдің шығу тарихына байланысты Динаның ғаріп болып қалған әнші құрбысына арнауы деген деректі соңғы жылдары І.Жақановтың жеткізуінде А.Сейдімбектің «Қазақ күйінің» тарихы еңбегінде мәлімет, ал Қ.Ахмедияров қысқаша аталмыш жинақта, А.Тоқтаған, А.Тоқтаған «Күйші» Дина (Тарту- Сәлемдеме)» жинағында да баяндаған. Мұндай жағдайды Дина Ақаңа айтпауы мүмкін емес-ау. Бiздiн пайымдауымызша сол бұлбұл құстың сайрауын кейіптеу жақынырақ және өзінің орындауында жеткен күй. Бірақ іздестіру нәтижесінде күй тарихтары, күйшілердің жаңа туындылары табылып жатыр, біз қандайма болмасын мәліметті жоққа шығарудан аулақпыз.
- Жыл бұрын
Дина - «Бұлбұл» ор. Дина Нұрпейісова
- Рет қаралды 7,132
Пікірлер: 7