بدأنا في الحلقة اللي فاتت نتكلم عن العراق.. و لعب عبد الناصر فيها..
و خلونا النهاردة نشوف آثار اللعب ده.. اللي لعبت في وش شعب بحاله.. و شلفطت مستقبله و اتسببت في اللي هو عايش فيه النهاردة..
بعد أكتر من ١٠ سنين عبد الناصر بيلعب فيهم البخت في وش العراق.. لغاية ما وصل بإيديه صدام حسين لراس السلطة..
هو عبد الناصر ممكن يكون معذور انه تخيل ان الأمور في العراق ماشية زي الفل بدون مشاكل.. ماهو عدوه اللدود نوري خلاص اتقتل.. و حلف بغداد انضرب فيه خازوق خلاص.. و العراقيين غنوله في الشوارع " نحنا جنودك يا جمال.. جيب سلاح و خذ رجال".. و بقت المظاهرات اليومية اللي بتطالب بالوحدة مع الجمهورية العربية المتحدة.. أو مصر و سوريا.. بقت مشهد معتاد في الشارع العراقي.. و برضه منظر صور عبد الناصر اللي في كل مكان برضه بقت مشهد معتاد.. و شارع الملك فيصل.. و احد من الشوارع الرئيسية في بغداد.. اتغير اسمه ل شارع جمال عبد الناصر..
و دراويش عبد الناصر ماكانوش في الشوارع بين العامة بس.. لأ ده في السلطة كمان.. و على راسهم زعيم الانقلاب.. العقيد عبد السلام عارف .. اللي بقى نائب رئيس الوزراء و نائب وزير الداخلية و الدفاع.. و اللي بعد أقل من أسبوع من الانقلاب .. كان بياخد عبد الناصر بالأحضان في دمشق .. و بيتكلم بحماس عن الوحدة العربية .. و بيوقع اتفاقية تعاون متبادل بين العراق و الجمهورية العربية المتحدة.. و قالك ساعتها لما قابلت عبد الناصر لأول مرة.. حسيت كأني اعرفه من زمان.. الأبلاح على أشكالها تقع.. بعدها بقى عارف دايما لما يجيب سيرة عبد الناصر في أي خطاب شعبي ليه في العراق.. كان بيقول عليه "الأخ الأكبر"... و عارف نفسه في العراق الناس كانوا بيقولوا عليه "عبد الناصر بتاع العراق"..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com
Негізгі бет {حدوتة عربية}(19) إديني الوحدة بسرعة.. أرجوك محتاج الجرعة!
Пікірлер: 171