/ლექსის ტექსტი/
***
ჰო
ხდება როცა,
მავიწყდები,
უკვალოდ ქრები,
მაგრამ როგორც კი გამოჩნდება ჩემთან ვიღაც სხვა,
მე ვეღარ ვძლებ და მაშინ ვხედავ რა მწარედ ვცდები,
როცა მგონია, რომ უბრალოდ აღარ მიყვარხარ.
ქარია ახლა,
ნეკნებამდე აღწევს ჰაერი,
ხარ ტკივილების მომღიმარი სახით დაფარვა,
ვარ ისე თითქოს ოთახიდან ახლა გახვედი
და მიმატოვე საკუთარი თავის ამარა.
ხარ თვალებიდან გადმოღვრილი ჩემი ნუგეში,
შენივე მხრები თავაწევით როცა მიდიხარ,
განწირულისთვის ბოლო ლოცვა და უკუნეთში,
პირჯვრისთვის შუბლთან მიტანილი სამი თითი ხარ...
ხარ ყველაფერი რაც მითქვამს და უბრალოდ ვერ ვთქვი,
ცოდვის ჩადენა, ვერ დატევა და აღსარება,
ხარ ჩემს თვალებში ჩაძირული პატარა ღმერთი
და დამსხვრეული ბორკილების დასამარება...
და ხდება მაინც,
როცა სადღაც უკვალოდ ქრები
და მინდა მუჭში მოვიმწყვდიო მთელი სამყარო,
თავი დაგადო ძველებურად პატარა მკერდზე
და ჩემს სისხლიან ღამეებზე გელაპარაკო.
გითხრა, რომ ვწუხვარ, ყველა წამზე, ყველა ტკივილზე,
რომ ყოველ ღამე მესიზმრება შენი ხელები,
რომ ჩვენი დიდი სიყვარული ვერ დავიტიეთ,
რომ გადარჩენა ვერ შევძელი შენი ცრემლების
და ხდება მაინც, როცა სადღაც უკვალოდ ქრები,
შენი თითებით, შენი სუნთქვით, სადღაც მიდიხარ...
შენ ხარ ჩემს ყელზე მოჭერილი ყულფის მოშვება
და მე კი შენი არ შემდგარი სუიციდი ვარ..!
Негізгі бет Dzalian dzalian dzalian emociuri video (temo shengelaia) თემო შენგელაიას ძალიან ემოციური ლექსი
Пікірлер: 106