Ақтөбелік шаруа ешкі өсіріп, сүтінен сусын әзірлеп, пайда тауып отыр. «Өсімтал түліктің сүті кеңінен сұранысқа ие», - дейді ешкі өсірудің бабын тапқан жас кәсіпкер Мұхамбетәли Қойшыбаев.
Бүгінде шаруаның қорасында 100-ден астам ешкісі бар. Кәсіпкер мал басын асылдандыру үшін ағылшын мен орыстың және голландияның сүтті ешкілерін сатып алып, жерсіндіруде. Олардың сүті құнарлы болу үшін жем-шөбін арнайы сатып алып, қора-жайында сайлап қойған. Өйткені сырттан әкелінген ашатұяқтыларсыз жерге жатпайды екен. Тәулігіне екі рет сауылатын әр ешкі 3-4 литрден сүт береді. Ешкінің сүті дәрумендерге өте бай болғандықтан, асқазан, қаназдық, бауыр ауруларына таптырмас ем. «Сұраныс өте жоғары», - дейді еңбегінің зейнетін көріп отырған шаруа. Бүгінде шаруашылықта 6 адам еңбек етеді. Сүт өңдейтін шағын цехы бар. Болашақта ешкінің сүтінен сусын ғана емес, қаймағын да сатылымға шығаруды көздеп отыр.
Мұхамбетәли Қойшыбаев, шаруақожалық басшысы
-Қазіргі таңда алға қойған жоспарларымыздың біреуі - ол ешкінің сүтінен ірімшік шығару, айран бәрін тетрапакетке жауып, халыққа жеткізу, мал басын көбейту. Қазіргі таңда 100-ге тарта бас бар. Бірақ оны 500 қыламыз. Қасымыздағы облыстарды қамтимыз.
Негізгі бет Фильм және анимация Ешкі сүті - асқазан, бауыр ауруларына ем
Пікірлер: 24