Бәріңізге Ассалаумағалейкум
Ханзада Жумонг, Құйынды мекен, Ұлы Әмірші Қуаң Ге То телесериалдарын көріп, Корей мемлекетін жер көкке сыйғызбай мақтайтынымыз бар. Соның ішінде бір мезетте Қидан, Уей, Пекче мен Силлаға, Ху ён мен Мальгаль тайпаларына үстемдік еткен Там Док туралы тамылжыған тарихты Тағылым тв арнасы баяндайтын болады. Кеттік ендеше!
Ұлы әмірші Қуаң Ге То. Когурё мемлекетінің 19-патшасы, Шын аты - Там Док, ағасы - Там Ман , қарындасы- Там Жу, кейіннен тақ мұрагері Чансу атты жалғыз баласы болған. Куннэ қаласында 374-жылы Когурёның 18-ханы Ко Янның отбасында дүниеге келген. Кейіннен кіші әкесі, күллі Когурё мемлекетінің әскеріне 30 жыл бойы бас қолбасшылық еткен Ко Му -дың қолында тәрбиеленеді . Оның қарамағында жүрген Там Док жауынгерлік өнермен, әскери тактика жасауды үйренді . Бертін келе солтүстіктен көшпелі сянби тайпаларының жаулашылық соғыстарына қарсы жорықтарда бірге болды, бірге сүрең салысты.
Там Док 18 жасқа келгенде мұрагер деп тағайындалған ағасы қайтыс болды . Ендігі Когурё тағының заңды мұрагері өзі екенін түсініп , халықпен ара қатынасын күшейтті . 390-жылы сянби тайпа бірлестігінен құрылған, қытай жерінде билігі қалыптасқан Ху Ён елінің қалың қолын бастап, Мо Ен Су батыр Когуреға баса көктеп, басып кірді. Ол Когурё -нің солтүстігін жаулап алып , Ёдон бекінісіне келген сәтте Там Док қарындасын Ху Ен тақ мұрагеріне ұзатып , құдандалық қатынасты бастап, келісім шартқа отырады. Бұл кез Когуреның сыртқы шапқыншылықтарға тойтарыс бере алмай әбден титықтаған кезі еді. 391-жылы Когурё мемлекеті өз өз ішінен екіге жарылып азаматтық соғыс басталды. Бұл көтерілісті де Там Док пен Кому қолбасшы жөргегінде түн шықтырды. Ко Ян патша, көзінің тірісінде Там Докты таққа отырғызуды жөн көріп, өзі тыныштықты аңсап, ел көзінен біржолата ғайып болады. Нәтижесінде Куннэ қаласында Там Док ханзада Когурёның 19-патшасы болып бекітілді.
Таққа отыра салысымен жоғалқан территорияны қайтару соғысына білек сыбанып кіріседі. Солтүстіктен айырылған жерді толықтыру үшін оңтүстікке Пэкче патшалығына жорық жасайды. Пэкче астанасы Уйрэ екі елдің ортасында қалып, Пэкче патшасы Ашин Когурё мен ақтық ұрысқа шығып ойсырай жеңіліске ұшырайды. Сонымен Пэкче хандығы, Когурёға бағынышты елге айналады . 392-жылы Кван Гэ То кидандарға жаңа жорық бастайды . Кидан көсемін өлтіріп , 10 000 когурё тұрғындарын азат етеді . 397- жылы оңтүстікте Ашин Жапон аралдарына хат жіберіп , Силла елі арқылы Когурё ға шабуыл жасауды ұсынады. Туысқан мемлекеттердің бір-бірімен бірігіп кетпеуін көздеген Жапон императоры мұны мақұл көріп , Силлага басып кіріп , астанасын алады . Мұны естіген Когуре патшасы дереу Силланы азат етеді . Өзінің 50 мыңдық әскерін жапон аралдарына аттанады. 404-жылы когурё әскері жапон әскерін бас көтере алмастай етіп жеңеді . 407- жылы Пэкче патшасы Там Доктың алдында тізе бүгеді.
410-жылы Когурё ханы, Ху Ен еліне соғыс ашады. Өз ішінен іргесі сөгітіліп бара жатқан Ху Ёндықтар, тойтарыс бере алмай, күл паршасы шығады. 411-жылы Бейжің қаласы да Там Доктың тізгініне. Ху Ен елі біржолата Тарих бетінен жойылып, когурёлық адам сол өлкенің көсемі етіп жарияланды. Там Док хан Өзі басқарған жылдары (391-413) Когурё елінің шекарасын 127 бекініс пен 1500 ден астам ауылмен толықтырды .
413-жылы жаңа астана Пхенянда ауыр сырқаттан қайтыс болды. Құрметті көрермендер келесі видеомызда Когурёның қалай құрылып, қалай күйрегенін, үш патшалықтың бір орталыққа қалай біріккенін, қалайша екі корей мемлекеті пайда болғаны жайын түбегейлі баяндайтын боламыз. Ол үшін видеомызға лайк басып, Айдос Оразай іргетасын қалаған іргелі каналымызға тіркеліп кетулеріңізді сұраймыз.
Мәтінді оқыған Айдос Оразай
Жазған Бағжан Бақбергенұлы
Тағылымды арна сіздермен бірге
Негізгі бет ЕҢ ЗҰЛЫМ ПАТША - СІЗ БІЛМЕЙТІН КОГУРЕ - ҰЛЫ ӘМІРШІ ҚУАҢ ГЕ ТО - ВЕЛИКИЙ КВАНГЭТХО!
Пікірлер: 72