Eid e Ghadeer Manqabat: Sir chashma e uloom hai mimber Ghadeer ka (Misra e Tarha)
ہے جشن سب سے اعلی و اَطْہَر غدیر کا،
عیدوں میں یومِ عید ہے اَکْبَر غدیر کا،
صادر ہوا ہے جس سے نبی و علی کا نور،
دراصل میزباں تھا وہ مَصْدَر غدیر کا،
کچھ ایسا انتظام کیا تھا رسولؐ نے،
تاریخ واقعہ رکھے اَزْبَر غدیر کا،
مولا فقط کہا نہیں کاندھوں پہ تھام کر،
سرکار نے دکھایا ہے حَیدَر غدیر کا،
دوشِ نبیؐ پہ پاؤں جمائے امیر نے،
صحرا میں جاری ہو گیا کوثَر غدیر کا،
تاخیر اتنی ہوگئی اصحاب کو کے اب،
سب ماجرا بتائیں گے جا کَر غدیر کا،
پہنے ہیں تاج دین کی فتح و کمال کا،
زوجہ مُباہلہ کا تو شَوہَر غدیر کا،
سیراب کائنات کو کرتا رہے گا یہ،
سَرچشمۂِ عُلُوم ہے مِنبَر غدیر کا،
میں چوم لوں لبوں سے، نظر سے، جبین سے،
منبر سے لے کے آخری کَنکَر غدیر کا،
اکمالِ دین یعنی ذبیحہ کے ضابطے؟
صد حیف آپ سمجھے نہ جَوہَر غدیر کا،
تُم اس لئے ذلیل ہوئے ہو جہان میں،
پیغام بھول بیٹھے ہو یَکسَر غدیر کا،
اے شیخ! مثلِ حارثِ فہری نہ بڑبڑا،
سر پر نہ آ پڑے کہیں پَتَّھر غدیر کا،
چِرکیں دلوں پہ چَرکے لگاتا ہے آج بھی،
خَنْجَر غدیر کا کبھی نَشتَر غدیر کا،
ہم لوگ خُوش نصیب ہیں پہلے ہی روز سے،
دیتی رہی سبق ہمیں مادَر غدیر کا،
عباس پا بھی جائے اگرچہ حیات خضر،
احصاء نہ کر سکے گا یہ اَحْقَر غدیر کا۔
Негізгі бет Eidoan main yom e eid hai akber Ghadeer ka - Abbas Naqvi (Hur)
Пікірлер