Ей, өмірім...
Ей, өмірім, мені өзің қамшыла,
Ерік бермей жанардағы тамшыға.
Төне қалса, алда егер қиындық, Сабырым-ау, төзімге сал, сәл шыда.
Тоқтаусыз бір, өтіп жатқан ағынсың,
Тарту еттің арайымен таңын шын.
Бірін-бірі күндейтұғын дұшпандар,
Араздықтан бұл жалғанда арылсын.
Көп көрмейін, маған берген ырысын,
Ашылғаны бойымдағы тынысым.
Тағдырыма қарсы тұрар өр кеудем,
Алда талай, өзіңменен тұр ісім.
Ақтарғанда өткен күннің дәптерін,
Жиыстырып қояйын мен әттеңін.
Жабырқатпа жабыққанда көңілді,
Жанға дауа, мендік күйдің тапшы емін.
Сансыз сұрақ, санамды мың үгітті,
Әсер етпей, дұшпан айтар үн тіпті.
Тәңір берген сабырымды жеңдірмей,
Үздірмесін енді алда үмітті.
Гүлзия Тәжіханқызы.
#қазақша_поэзия #рекомендации #shortvideo #поэзия #поэзияәлемі #атырау #өмірұстаз #мұқағали #ейөмірімзымырапбарасыңба #ейөмірім #қайранөмір #Нұрсұлтан #мұқағалиөлеңдері #бағала #бардыбағала #бақытыңдыбағала #болғаноқиға #
Негізгі бет *Ей өмірім* ✍🏻 Гүлзия Тәжіханқызы
Пікірлер