Yeni maraqlı canlı müsahibə BAX və PAYLAŞ • Əli Kərimli: İlham Əli... DƏSTƏK ÜÇÜN videolarımızı BƏYƏN ! və OBYEKTİV TVyə ABUNƏ OL
Sentyabrın 25-i internetdə " Millət vəkili Gülər Əhmədovanın şok görüntüləri " adlı video yayılıb.
Videogörüntüdə fəaliyyəti dayandırılmış Azərbaycan Beynəlxalq Universitetinin rektoru Elşad Abdullayev və deputat Gülər Əhmədovanın və deputatın rəfiqəsi, Sabir adına kitabxananın direktoru Sevinc Babayevanın 16 dəqiqəlik söhbəti var. Qeyd edək ki, Gülər Əhmədova belə bir görüşün olduğunu inkar etmir, sadəcə videonun montaj olduğunu iddia edir. Videodakı söhbətdən millət vəkilinin Elşad Abdullayevdən deputat seçilməsi üçün rüşvət tələb etməsi bəlli olur.
Gülər Əhmədova: Mən pulu nə Ramiz müəllim üçün, nə də prezident üçün istəyirəm. Mən özüm istəyirəm. Bu mənim qiymətimdir.
Elşad Abdullayev isə əvvəlki illərdə də deputat olmaq üçün müəyyən məbləğdə pul verdiyini, amma millət vəkili ola bilmədiyini bildirir.
Gülər Əhmədova siyasətin oyun olmadığını deyir və istənilən məbləği ödəyərsə Elşad Abdullayevin deputat olacağına söz verir. Seçkilərə yeddi gün qalmış "prezidentin təsdiqlədiyi deputat siyahısını dəyişdirtdirdiyini" bildirir.
Yayılan video ilə bağlı açıqlama verən Gülər Əhmədova Elşad Abdullayevin cinayət əməllərinə qarşı mübarizə apardığına görə onu susdurmağa çalışdıqlarını deyib. Elşad Abdullayev isə Azadlıq radiosuna müsahibəsində Gülər Əhmədovanın video görüntünün montaj edilməsi haqda dediklərinə belə münasibət bildirib:
«Bu boyda montaj olar? Bu adamlar öyrəniblər hamıya şər atmağa. Gündə insan hüquqlarından, demokratiyadan danışırlar, ancaq... Mən özüm YAP-çı olmuşam, Heydər Əliyevi dəstəkləmişəm. Amma indi baxıb görürəm ki, ölkə nə gündədir. Adam oğurluğu ilə məşğul olanlar bu gün hakimiyyətdə oturublar».
Qeyd edək ki, iki gün qabaq yayılan videonun izləyici sayı sürətlə artır. "Video qalmaqalı"nı vəkil Aslan İsmayılov şərh edir.
Baş verənlərə Prezident Administrasiyasının ictimai-siyasi məsələlər şöbəsinin müdiri Əli Həsənov münasibət bildirib. O deyib ki, "İnternet informasiya resurslarında yayılmış məlum videomaterial dövlətin antikorrupsiya siyasəti çərçivəsində müvafiq tədbirlər həyata keçirilməsinə əsas yaradır. Digər tərəfdən, həmin material Elşad Abdullayev kimi neqativ insanların qeyri-qanuni, dolayı yollarla hakimiyyət orqanlarına yol tapmaq və "mənsəb" qazanmaq istəyinin baş tutmamasının, habelə dövlət orqanlarının belə hallara qarşı əsl münasibətinin göstəricisidir. Mən şübhə etmirəm ki, müvafiq orqanlar internetdə yayılan bu materialla əlaqədar olaraq lazımi tədbirlər görəcəklər".
Baş prokuror video görüntülərdə yer alan məlumatların araşdırılması üçün Bakı Şəhər Prokurorluğuna göstəriş verib.
Qeyd edək ki, deputat Gülər Əhmədova 2011-ci ilin oktyabrında "Xural" qəzetinin baş redaktoru Əvəz Zeynallını rüşvət almaqda ittiham edərək Baş prokurorluq Yanında Korrupsiyaya Qarşı Mübarizə İdarəsinə müraciət etmişdi. Onun müraciəti əsasında həbs edilən Əvəz Zeynallının məhkəməsi hələ də davam edir.
Негізгі бет ELŞAD ABDULLAYEVLƏ GÜLƏR ƏHMƏDOVA BİR-BİRİNİ İTTİHAM EDİR
Пікірлер: 31