Еліміздің ертеңі, мемлекетіміздің жарқын болашағы білімді де білгір жастардың қолында. Қай заманда болмасын, қоғамның қозғаушы күші жастар.
Қазақстанның болашағы жастар еншісінде екенін ескерсек, солардың сапалы білім алып, тәрбиелі, парасатты азамат болып қалыптасуына қоғамның да ықпалы зор екені анық. Саналы қоғамда білімді азаматтармен бірлесе өмір сүрген жастар өз бойында білімге деген құштарлық пен ізгі сезімдерді қалыптастыратыны сөзсіз.
Осы орайда Ақмола облысы ішкі саясат басқармасының «Қоғамдық даму орталығы» «Жастар жарқын болашаққа» атты айдарын жалғастырады.
Бүгінгі біздің кейіпкеріміз - ҚР Мемлекеттік қызмет істері агенттігінің Ақмола облысы бойынша департаментінің бас маманы, сонымен қатар Тәуелсіздіктің төл құрдасы - Жазира Сейтмағанбет.
Жазира Тоқтарқызы 2017 жылдан бастап мемлекеттік қызметте еңбек етуде. Бүгінде ол Департаменттің мемлекеттік қызмет басқармасының бас маманы болып қызметін атқарып келеді. Осы салада тәжірибе жинақтап, білікті маман ретінде қалыптасуда.
«Қазіргі жастар өте белсенді және жан-жақты. Тәуелсіз елiмiздiң болашағы жаңаша ойлайтын, білікті әрі стратегиялық тұрғыдан өте сауатты жастарға байланысты.Президенттіміз де өскелең ұрпаққа сенім білдіруде. Сондықтан да, жастарды аянбай еңбек етуге, толассыз дамуға, патриот болуға, Тәуелсіздік жылдары қол жеткізген жетістіктерімізді сақтап, көбейтіп, қай салада болмасын, елімізді өркендетуге үлестерін қосуға шақырамын. Еліміздің жарқын болашағы білімді жастардың қолында» - деп, кейіпкеріміз өз сөзін түйіндеді.
Негізгі бет Ел болашағы - жастардың қолында!
Пікірлер