الـكـلـمـات
حط سم في العصير
وابتسم عزرائيل
ونصه الاسود قاله: أربع للبق الأخير
كفاية تفكير
الحال مش هيتعدل
خايف من ايه! مش أول مره دي تتقتل
ما اتقتلت لما شيلت الهم ومتقالكش عاش
واتقتلت لما درست حاجة مبتحبهاش
اتقتلت اما اختارولك
اتقتلت زي ميولك
واتقتلت لما عملت زي ما عازوا وصقفولك
نصه الأبيض قاله: طب ما تشوف دافعهم
أو حتى كنت مانعهم بدل ما بكرة تطاوعهم
الدنيا صعبة وأهلك عازوا يريحوك
وانت أكتر واحد عارف إن هما بيحبوك
نصه الاسود قال: جايز حبوه
لكن أكيد أذوه
ومال على ودنه وقال: بالظبط زي ما عملت نور
مش هي برضه قالت انا حاسة وجودي بيؤذيك
ف انا هبعد عشان مصلحتك .. والدنيا هتنسيك
إلا قولي صحيح
الدنيا ليه منسيتكش؟
تكونش نور ضحكت عليك ، ومحبيتكش؟
النص الأبيض قال: هنتخطى اللي فات
عشان نمسك حاجات لازم نسيب حاجات
دقنك متر
جسمك عمال يخس
محدش حس بيك
ومحدش هيحس
معظم كلامه مش حقيقي
اعمل معروف
اخلع النضارة السودا دي وحاول تشوف
مهو شايف اللي فيها
مفيش غير ظلم فيها
جواه أسئلة كتيرة لكن خايف وبيداريها
لأ طلعها
الدنيا بلاء من بق اللي صنعها
من حقك تمسك ورقة الامتحان ده وتقطعها
نصه الأبيض قاله: لو عرفنا الغيب ...
النص الاسود قام مقاطعه وقاله: فكك من بوقين
لعله خير
ومحدش عارف الأحسنله ايه
احنا لا متشافين في سما ، ولا في شارع ، ولا بيت
شرب كوباية العصير لآخر بق
جت مامته من الشغل
قامت وخداه بالحضن
وقالتله: جهز لبسك ياللي بتكتئب تحلو
انا وباباك أجزنا
وهنسافر نغير جو
----------------------------
Kobayt El 3asiir
Lyrics: El Joker
Music: Mohamed El Sayed
Mix & Master: Amonuos
Videography: Muhammad A. Fawzi
Typography: Mostafa karim
_______________________________
Follow El Joker on:
Facebook: / eljokermusic
Twitter: / eljokermusic
Instagram: / eljoker_music
Follow Mohamed El Sayed:
/ meproducer
Follow Amonuos:
/ amonuos.atef
Follow Muhammad A. Fawzi:
/ muhammad.a.fawzi
Follow Mostafa karim:
/ mostafa.karim.94617
Негізгі бет El Joker - Kobayt El 3asir l الجوكر - كوباية العصير
No video
Пікірлер: 7 М.