Ананың баласын 3 жасқа дейін бағып-күткен уақыты еңбек өтілі болып есептеледі. Бұл туралы бүгін Астанада өткен «Зейнетақы жүйесін жаңғыртудың гендерлік аспектілері» тақырыбындағы семинар-кеңесте ҚР Еңбек және халықты әлеуметтік қорғау вице-министрі Светлана Жақыпова мәлім етті. Ал 5 баланы дүниеге әкелген немесе асырап алған аналар 53 жасында зейнетке шыға алады. Ол үшін әйелдердің 1998 жылдың 1-қаңтарына дейін еңбек өтілі болуы шарт. Сондай-ақ, басқосуда Семей ядролық полигонының радиациялық қауіпті аймақтарында кемінде 5 жыл жұмыс жасаған, 20 жылдық еңбек өтілі бар әйелдердің 45 жасында зейнетке шығу құқығы сақталатындығы айтылды. Зейнетақы жинақтары жеткілікті азаматтар зейнетке 50 жаста шыға алады. Қазіргі кезде 50 жастан асқан азаматтарды жұмыспен қамтудың кешенді жоспары бекітілді. Сонымен қатар, 55 жастан асқан қызметкерлердің құқығын қорғау мақсатында заңнамаларға бірқатар өзгерістер енгізілген. Сондай-ақ, жұмыс жасайтын әйелдердің бала күтімімен үйде отырған кезде еңбек өтілі үзілмеуі үшін оларға әлеуметтік сақтандыру қорынан қажетті қаржы аударылады. Подписывайтесь на «Хабар 24»:
/ tv24kz
Наш сайт - 24.kz
Facebook - / tvkhabar24
Instagram - / tvkhabar24
Telegram - t.me/tvkhabar24
Twitter - / tvkhabar24
Vkontakte - vk.com/tvkhabar24
Негізгі бет Елімізде бес балалы ана 53 жасынан зейнетке шығады
Пікірлер: 166