Елімізде мереке күндері қырық градусқа дейін жететін қатты аяз болады. Қақаған аяз әсіресе солтүстік пен шығыс аймақтардың тұрғындарына сезіледі. Солтүстік аймақтарда сақылдаған сары аяз каһарына мінсе, ал оңтүстік өңірлерде керісінше жауын -шашын болады. Ал төтенше жағдай қызметі әсіресе семейліктерді үйден шықпауын сұрап отыр.
Синоптиктер елде күн райының күрт суытатынын болжап отыр. Әсіресе петропавлдық және семейлік тұрғындар жаңа жылдың алғашқы күндерін аязбен қарсы алмақ.
АЙГҮЛ АЛДАНБЕРГЕНОВА, "Қазгидромет" РМК жетекші инженері:
- Республикамыздың көп аймақтарында суық антициклон анықталып отыр. Әсіресе солтүстік және шығыстағы облыстарда аяз қатты біліне бастайды. Күн 40 градус болуы мүмкін.
Солтүстікте қар жауып, жел күшейіп, тұман тұрады. Тіпті кейбір жерлерде 40 градусқа дейін аяз түседі. Ал қарағандылықтарға синоптиктер жаңа жылда қалың қар жауып, дүлей дауыл болуы мүмкін деп отыр. Бұдан бөлек еліміздің орталық бөлігінде де күн қатты суытады. Ал оңтүстік тұрғындары қаңтардың алғашқы күндерінде жауын-шашыннан көз ашпаулары мүмкін. Онда көктайғақ болып, кей жерде тұман түседі. Сондай-ақ, батыс қазақстандықтар да сиыр жылын жауын-шашынмен қарсы алуы мүмкін. Шығыста қар жауып, боран соғады. Қатты аяздан ауа температурасы -40 градусқа барады деген болжам бар. Сондықтан төтенше жағдай мамадары тұрғындардың үйден шықпауын сұрап отыр.
ЕСЕН ҚУАНТХАН, Семей қаласының ТЖ бөлімінің өкілі:
- 39 градусқа дейін ауа төмендеуі болжанады. Осыған қарай Семей қаласының тұрғындары мен қонақтарын қала маңынан шықпауын, көп уақыт далада жүрмеуін сұраймыз.
Ал елордалықтар жаңа жылдың алғашқы күндерін 34 градусқа жуық аязбен қарсы алады. Ал Алматыда мерекелік демалыс күндері жауын шашын мен тұман болады деген болжам бар.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар
Негізгі бет Елімізде мереке күндері қырық градусқа дейін жететін қатты аяз болады
Пікірлер: 49