මෙහෙම දෙයක් පපුවක් ඇති මිනිහෙකුට කල හැකිද ?
(දඹුල්ල කාංචන කුමාර ආරියදාස0773416157)
2022.03.18
සරුවට වගා කෙරුණු තක්කාලි අමු මිරිස් සහ නෝකෝල් වගාවන් මෙන්ම වගාවට වතුර යොදන විශාල බට ප්රමාණයක් විනාශ කර දැමූ සිද්දියක් පිළිබධව දඹුල්ල පොලිසිය විශේෂ මෙහෙයුමක් ආරම්භ කොට තිබේ.
දඹුල්ල පොලිස් බල ප්රදේශයේ පුවක්අත්තාවල ප්රදේශයේ මහා පරිමාණයෙන් වගා බිම්ක ගොවීන් කීපදෙනෙකුගේ ඉතා සරුවට වගා කර තිබූ අමු මිරිස් ,තක්කාලි, ගස් කඩුවක් හෝ මන්නා පිහිවලින් කපා විනාශ කොට මෙම වගා බිම සඳහා වතුර රැගෙන යන නල පද්ධතිය තැනින් තැන කපා විනාශ කිරීමේ සිද්ධියක් පොලීිසියට වාර්තා වී තිබිණි.
එමෙන්ම ඉතා සාර්ථක නෝකෝල් වගාවකට වතුර රැගෙන යන නල පද්ධතිය ද විනාශ කර කර දැමීම හේතුවෙන් දවසක් ඇර දවසක් වතුර යොදන නෝකෝල් වගාව සම්පුූර්ණයෙන්ම විනාශ වීමේ අවදානමක මේ වන විටත් පවතින බව එම ගොවීන් පවසති.
තෙල් පොහොර හෝ පහසුකම් කිසිවක් නොමැතිව ඉතා සාර්ථක වගාවක් සිදුකරගෙන යන තරුණ ගොවීන් මෙම අපරාධය උහුලා ගැනීමට නොහැකිව පොලිසිය ඉදිරියේ ම හඬා වැටීම විශේෂත්වයකි.
මෙම ප්රදේශයේ නිවුන් සහෝදරියන් දෙදෙනෙකු විසින් පවත්වාගෙන යන ඉතා සරුසාර තක්කාලි වගාවක් ද මෙම කිසියම් වූ පුද්ගලයන් විසින් කැත්තකින් හෝ පිහි වලින් කපා කොටා විනාස කර ඇති බව පොලීසිය කියයි.
එල හට ගැනීම ආරම්භ කළ තක්කාලි වගාව අප්රේල් මාසයේ සිංහල අලුත් අවුරුදු සමයට ඵල නෙළා අලෙවි කිරීම්ට බලාපොරොත්තුවෙන් සිටි බව මෙම නිවුන් සහෝදරියෝ පවසන්නීය.
කිසියම් පුද්ගලයෙකු හෝ සංවිධානාත්මක පිරිසක් පුවක්අත්තාවල ප්රදේශයේ සරුසාර අස්වැන්නක් බලා සිටීමට නොහැකිව හෝ රටේ ආහාර අර්බුදයක් පවතින අවස්ථාවක පොහොර කෘමිනාශක කිසිවක් නොමැතිව මෙතරම් සාර්ථක වගාවක් දැක රටේ ආහාර අර්බුදය නිර්මාණය කිරීම සඳහා මෙවැනි අපරාධයක් සිදු කළේද යන්න සැක හිතන බව අපරාධය විශාල පාඩුවක් ලැබූ ගොවීන් පවසති.
කෙසේ හෝ මෙම අපරාධය සිදුකළ පුද්ගලයා හෝ කණ්ඩායමක් හෝ කවුරුන්ද යන්න මෙතෙක් අනාවරණය කර ගැනීමට නොහැකි වූ බව ද දඹුල්ල පොලීිසිය කියයි.
අමු මිරිස් වගාවක මල් සහ කරල් හට ගන්නා අවස්ථාවේදීම කපා කොටා විනාශ කර දැමීම සිදු කර තිබෙන බව එම වගාකරු සඳහන් කළ අතර පාඩුව මේ දිනවල මිල කිරීමට නොහැකි බවද ඔහු සඳහන් කළේය.
තක්කාලි කිලෝවක් වෙළඳ පොලේ රුපියල් දෙසීයකට ඉහළ මිලකට අලෙවි වන අවස්ථාවක සරුසාර තක්කාලි අස්වන්න විනාශ කොට ඇති අයුරු දැක තමන්ගේ දෙපා වෙවුලා ගිය බව තක්කාලි වගා කරුවෝ පවසති .
නැවත මෙම වගාව සඳහා වතුර යෙදීමට නම් විශාල මුදල් ප්රමාණයක් බට මිලදී ගැනීමට අවැසි බව ද එවැනි මුදල් ප්රමාණයක් තමන් ළඟ නොමැති බවද ගොවීහු පෙන්වා දෙති
එම නිසා රටට ආහාර ලබාදීම සඳහා තිබූ අක්කර තුනක පමණ භූමියක් මේ ආකාරයෙන් විනාශ වීමේ දැඩි අවදානමක් පවතින බව ගොවීහු හැඬූ කඳුළින් පෙන්වා දෙති
මෙම මහා ආහාර විනාසය සිදුකළ පුද්ගලයන්ට නීතිය මගින් දඬුවම් ලබා දිය නොහැකි වුවහොත් අදෘෂ්යමාන බලවේග වලින් හෝ දඬුවම් ලබා දිය යුතු බව අසාධාරණයට පත් වූ ගොවීන් දැඩි සිත් වේදනාවෙන් යුතුව සඳහන් කර සිටියහ.
Негізгі бет elawalu wagawa vinasa dambulla මෙහෙම දෙයක් පපුවක් ඇති මිනිහෙකුට කල හැකිද ?
No video
Пікірлер: 513