ЕЛБАСАН ТАВА СО ПИЛЕШКО
за 4 лица
- 4 пилешки копани
- 300 г маринирани шампињони
- 150 г моркови
- 100 г кромид
- 100 г црни маслинки
- 3 јајца
- 200 мл кисела павлака
- 200 г кашкавал
- масло за јадење
- Хималајска сол и црн пипер
Потребно време за подготовка на ова јадење е 80 - тина минути.
Во тенџере со посолена зовриена вода на оган ги вариме копаните. Го тргаме тенџерето од оган, ги вадиме копаните од тенџерето и ги ставаме на чинија. Им ги отстрануваме коските, а месото го сечкаме на поголеми парчиња. Ги ставаме во огноотпорен сад, намрсен со масло.
Главицата кромид ситно ја сечкаме и ја пржиме на загреано масло во тава на оган. Морковите ги сечкаме на коцки, а маслинките на парчиња, притоа отстранувајќи им ги семките. Ги додаваме во тавата со омекнатиот кромид. Посолуваме и наросуваме мелен црн пипер. Шампињоните ги сечкаме на парчиња и ги додаваме во тавата со запржените моркови и маслинки. Додаваме и 300 мл од водата во која се вареа копаните. Откако содржината во тавата ќе зоврие ја нанесуваме на парчињата пилешко во огноотпорниот сад.
Во длабок сад ги кршиме јајцата и ги матиме со жица. Ги додаваме киселата павлака и 200 мл од водата во која се вареа копаните. Мешаме со жицата додека смесата не се соедини и ја преливаме содржината во огноотпорниот сад. Кашкавалот го сечкаме на тенки парчиња, ги редиме во садот и го ставаме во рерна. Печеме 30 минути на 200 степени и го вадиме од рерна.
На чинија за сервирање ставаме од Елбасан тавата со пилешко. Декорираме со листови марула, гранчиња копар и шери домати.
Со ова јадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
Овој рецепт се наоѓа во списанието Храна и вино бр. 150, од Март 2017 год.
Subscribe for upcoming recipes:
/ @hranaivinomkd
Follow us:
Facebook: / hranaivino
Негізгі бет Elbasan tava so pilesko | Hrana i Vino MKD
No video
Пікірлер: 2