Жаңақорғанда Сыр жастарының слеті өтті. «Біргеміз» деп аталған іс-шараға облыстың белсенді жастары қатысып, алда атқаратын жұмысын пысықтап алды.
Сыр жастары елдік бастамаларда ерікті болудан тартынып қалған емес. Әсіресе, төтенше жағдайлар кезінде жұдырықтай жұмылып келеді. Мәселен, биыл су тасқынынан зардап шеккен өңірлерге алғашқылардың бірі болып қызылордалық еріктілер қолғабыс етті. Волонтерлық ұйымдардың бастамасымен бірнеше мәрте гуманитарлық көмек батысқа аттанған. Тіпті табанынан су кешіп, апатты аймақтарда айлап жүрген азаматтар да бар.
РАМИЛЬ ЖҰМАТАЕВ - ЕРІКТІ //«Елімізде болып жатқан мысалы Ақтөбе облысы, Атырау облысы, Ырғыз ауданына біз ерікті ретінде барып қайттық. Ол жақтың жағдайын көрдік. Алда енді Қазақстанда ондай жағдай болмасын деп тілейміз. Жастарды көтеру мақсатындағы осындай слеттер жалғасын таба берсе, біз өте қуаныштымыз. Қазақстанның болашағы жастар. Президентіміз көп көңіл бөлгеніне қуанышытымыз».
Волонтерлер слеті Сыр өңірінде алғаш рет ұйымдастырылып отыр. Аймақтағы 100-ге жуық ерікті жас қарт Қаратау етегінде бас қосты. Мұнда олар тыныға жүріп, тындырымды тірліктерін талқылады. Сондай-ақ, шара барысында республикалық волонтерлер фронт офисінің мамандары тәжірибелерімен бөлісіп, шеберлік сағатын да жүргізді. Іс-шараға көршілес Түркістан облысының да жастары шақыртылған.
ПЕРДЕБЕК ЕСҚҰЛОВ - ТҮРКІСТАН ОБЛЫСТЫҚ ЖАСТАР РЕСУРСТЫҚ ОРТАЛЫҒЫ ДИРЕКТОРЫНЫҢ ОРЫНБАСАРЫ // «Түркістан облыстық жастар ресурстық орталығы мен осы Қызылорда облыстық жастар ресурстық орталығы жақында ынтымақтастық меморандумға отырған. Осы меморандум аясында екі облыс арасында қандай да бір іс-шараларына қатысып отырамыз. Бізде осы мамыр айының 28-29 күндері Әл-Фараби атты республикалық интелектуалды білімділер сайысы өтеді. Соған арнайы шақырып келіп отырмыз».
БАҚЫТГҮЛ АДАМБАЕВА - ЕРІКТІ // «Әрине жиі өткізіліп тұрғаны дұрыс. Бір жағынан жақсы демалыс болып жатыр. Бір жағынан жақсы тәжірибе алмастық. Біраз волонтерлармен танысып жатырмыз. Көптеп осындай шаралар ұйымдастырылып тұрса нұр үстіне нұр болар еді».
Еріктілік - еріккеннің ермегі емес. Ал мұндай басқосулар арқылы еріктілерде тың идеялар пайда болады. Сондықтан аймақ жастары жыл сайын осылай табиғат аясында жиналып, сауапты істерді саралауды жөн көріп отыр.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv
Негізгі бет Ерікті жастар бас қосты
Пікірлер