اغنية ابعد يا حب للمطربه ذات الصوت الجميل الاوبرالي كلمات الشاعر مرسي جميل عزيز والحان منير مراد.
قالت الفنانة عفاف راضي، في حوار لها إن محمد الموجي قدم لى عدد ًا كبيرًا من الأغانى منها طير يا حمام الدوح, وأغانى وطنية كثيرة .
وتابعت : ومنير مراد قدم لى ابعد يا حب ولكن إنتاجى معه لم يكن كثيرًا فهو خفيف ومرح وكان بليغ حمدى يقول لى " خذى منه شيئًا " وكان ذواقه جدًا فى الموسيقي وتعاملت مع الشاعر مرسي جميل عزيز وحينما سمع لحن ابعد يا حب على التليفون من منير مراد قام بعمل كلمات الأغنية وكأن لحن الأغنية كان على كلماتها وليس العكس .
واستطردت : كنت مصرة على العمل مع المخرج حسين كمال فى أول عمل سينمائي لى حتى قمت بالعمل معه فى مولد يا دنيا ونجح نجاح كبير .
ابعد يا حب ابعد بقولك لا
ولا عمري هغلط يوم وأقولك آه
لا أنا قد دمعة عين في ليلة فُرقة
ولا قد رمشك والمخبي وراه
مهما تواعدني هقولك بكرة
ويجي بكرة و أقولك بكرة
يعني النهاردة بقولك لا
وبكرة مش راح أقولك آه
ابعد يا حب بلاش تخايل فيا
لياليا حلوة مرة أهي لياليا
هي صحيح مالهاش لا لون ولامعنى
ولا حاجة تسعدنا ولا تنفعنا
لكن دي راحة البال كفاية عليا
وهى راحة البال يا عيني شوية
مهما تواعدني هقولك بكرة
ويجي بكرة أقولك بكرة
يعني النهاردة بقولك لا
وبكرة مش راح أقولك آه
ابعد يا حب بلاش تفوت ناحيتنا
وان فوت ماتبصش لبلكونتنا
لأرمي عليك رمشي يجيبك صاحي
ويسهرك زى النجوم صباحي
لا تطول سما ولا ارض في محبتنا
ولا ينفتح لك حتى شباك بيتنا
مهما تواعدني هقولك بكرة
ويجي بكرة أقولك بكرة
يعنى النهاردة بقولك لا
وبكرة مش راح أقولك آه
ابعد وخبي عنيك طاوعني لأحبك
وبلاش تقيد النار لتحرق قلبك
قلبي عليك خايفة عليك صدقني
لتغرق أنت قبل ما تغرقني
لكن دي راحة البال كفاية عليا
و هي راحة البال يا عيني شوية
مهما تواعدني هقولك بكرة
ويجي بكرة أقولك بكرة
يعني النهاردة بقولك لا
وبكرة يمكن أقولك آه
Негізгі бет عفاف راضي "ابعد يا حب" بالكلمات جوده عاليه وصوت نقي
Пікірлер: 19