ليه الكل بيتوقع من القوي يظل قوي ؟ كأنو هوي جبل لا بيهز ولا بيوقع
شو يعني إذا بيكون هالشخص موجوع او مهموم ، هوي متعود وقدها وقدود
كيف عندنا هالتوقعات العالية عنو ونحنا كل الوقت نق وشكوى وتذمر ع أبسط الاشيا
اكيد ما في حدا مرتاح وكلنا عندنا هموم ومتاعب ومشاكل بس في ناس عندها مصايب وبلاوي
لأ ما تتركوهم بحالهم ، غلط ❌ الحل انو تحسوا فيهم وتواسوهم حتى لو بالصمت ،بالومى ،بالنظرة ،بالبسمة ،باللمسة ،بالكلمة ،باللفتة
في ناس من نبل أخلاقها ما بدها تحسسك بوجعها بس هيدا ما بيمحي الوجع والدموع
في ناس ما تحكي إنها موجوعة لانو ما بدها تسمع الوجع عم يصرخ
يعني إذا هودي الناس قادرة تحمل هالكم الكبير من الوجع ما بيعني انو مش ثقيل وبيكسر الظهر
ارحموا من في الارض يرحمكم من في السماء ،نحن بعصر الأمراض المتنوعة وزادت التحديات
مرض السرطان زار بيوت كل الناس ،ولمة العايلة صارت ناقصة شخص او اكثر🥹
كونوا نقطة ضوء بعتمة ايامهم ⭐️، كونوا وردة بحقل افكارهم 🌸
تحية إلى فاطمة والى كل مرضى السرطان ، الرحمة لروحهم الطاهرة 🙏🏻
#مرضى_السرطان #قوة #ألم #أمل #نساء_من_هذا_الزمن #قطر #الكويت #السعودية #الامارات #البحرين
Негізгі бет فاطمة القوية
Пікірлер: 1