父親節專訪丨鄭俊弘夫婦剖白Asher接受物理治療辛苦 盼望聽囝囝嗌爹哋媽咪
嚟緊禮拜日就係父親節,將以父親身份第三度過節嘅鄭俊弘(Fred),同太太何雁詩(Stephanie)接受TVB娛樂新聞台主播許文軒專訪。佢哋日前透露囝囝鄭讚廷(Asher)患有罕見病天使綜合症,Fred話Asher係開朗堅強嘅小朋友,知Asher接受物理治療辛苦,有時自己忍唔住喊,囝囝反而安慰返自己,Stephanie記得Asher第一次笑係喺出世返到屋企嘅第二、三日。
自從公開咗囝囝病況,Fred話心情反而輕鬆,因為之前每逢有人問到囝囝近況,佢都係以笑帶過。Stephanie講到當初發現囝囝有問題,係到Asher九個月大時,發現佢仲未坐得穩,經過醫生評估就發現各方面發展遲緩。直至囝囝歲半時,醫生建議做基因測試,結果証實患有天使綜合症。
得知囝囝情況,Fred話情緒比起太太差好多,甚至唔想見人,只係留喺屋企陪囝囝,仲日日以淚洗臉。囝囝剛剛兩歲,Stephanie話仲未識講嘢,一開心就會拍枱。當剖白心底願望,Fred夫婦異口同聲話好簡單,只想聽到囝囝叫聲:「爹哋、媽咪、我愛你」。
佢哋希望公開囝囝情況增加大眾關注,減少歧視,暫時對囝囝抱住見步行步心態,希望佢哋明天開心,Stephanie講到有一日自己會變老、囝囝會變老,到有一日可能抱唔起佢,到時就會係最擔憂。
#父親節專訪 #鄭俊弘 #何雁詩 #鄭讚廷 #asher #天使綜合症 #開朗 #堅強 #願望 #好簡單 #爹哋 #媽咪 #我愛你 #變老 #擔憂 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
Негізгі бет 父親節專訪丨鄭俊弘夫婦剖白Asher接受物理治療辛苦 盼望聽囝囝嗌爹哋媽咪
Пікірлер: 81