ATAO MENDRIKA NY FANDRAISANA NY PAPA RAY MASINA :
95% ireo asa lehibe no efa vita eny Soamandrakizay, Androhibe. Hanomboka tsy ho ela ny dingana manaraka dia ny fampitaovana sy fanorenana ny fotodrafitrasa handraisana ireo mpino ho avy amin’ny lamesa lehibe ho tarihin’ny Papa Ray Masina amin’ny 8 septambra ho avy izao. Amin’ny 22 aogositra kosa no hamaranana ireo asa fanamboarana ireo. Tonga teny an-toerana nijery sy nanara-maso ny fivoaran’ny asa ny filoha Andry Rajoelina niaraka tamin’ny Kardinaly Mgr Désiré Tsarahazana sy ny solon-tenan’i Vatican eto Madagasikara, Mgr Paolo Rocco Gualteri androany 24 jolay 2019. Mpino eo amin’ny 800 000 avy amin’ny lafy valon’ny nosy no andrasana eny Soamandrakizay mandritra ity lamesa lehibe ity. Efa mipetraka ihany koa ireo fepetra sy fandaminana noraisin’ireo tompon’andraikitra isan-tsokajiny handraisana ireo mpino mandritra io fotoan-dehibe io na eo amin’ny lafin’ny fandriampahalemana izany, na ny fidiovana sy ny fahadiovana, ny fahalasamana sy ny vonjy taitra ary ny serasera.
Негізгі бет FANOMANANA NY FANDRAISANA NY PAPA RAY MASINA : TSY HITSANGA-MENATRA I MADAGASIKARA
No video
Пікірлер: 12