25 yanvar 2020-ci il tarixində NR Academy, The Secret Business Academy və Müasir Azərbaycan Beynəlxalq İnkişaf Mərkəzinin təşkilatçılığı ilə Türkiyənin İnsan Resursları üzrə tanınmış mütəxəssisi, “Mülakat Ve İş Arama Teknikleri” kitabının müəllifi Fatih Baycanın Landmark oteldə “İşə qəbul və performans dəyərləndirilməsi” adlı seminarı keçirilmişdir.
Seminarda ölkənin müxtəlif özəl və dövlət qrumlarında çalışan İnsan Resursları (İR) üzrə direktor və menecerlər, rəhbərlər və tələbələr iştirak etmişlər.
Bəhman Hüseynlinin moderatorluğu ilə keçən tədbirin birinci hissəsində Fatih Baycan, “İşə qəbul və seçim”, qonaq spiker Nihat Əliyev isə "İşə qəbulun qanunvericilik tərəfləri" mövzularında çıxış etmişlər. Kofe - breyk fasiləsi və netvörkinqdən sonra, tədbirin ikinci hissəsində Fatih Baycan, “Performans dəyərləndirilməsi” mövzusunda praktiki nümunələrlə çıxış etmiş, daha sonra sual-cavab paneli olmuşdur.
Seminarda bütün iştirakçılara sertifikatlar təqdim edilmiş və Fatih Baycanın “Mülakat Ve İş Arama Teknikleri” adlı imzalı kitabı tələbələrə və aktiv iştirakçılara hədiyyə olunmuşdur.
Seminarın tərəfdaşları hrclub.az portalı, toxum.org, HR Club Azərbaycan şirkəti və buqelemun.com tələbə portalı olmuşdur.
Негізгі бет Fatih Baycan Bakı Seminarı - “İşə qəbul və performans dəyərləndirilməsi”
Пікірлер